Fikziozko eta animaziozko film luzeak eta sorkuntzazko dokumentalak sustatzeko eta publizitatea egiteko laguntzen ebazpena plazaratu du Zineuskadi Elkarteak. Orotara, zazpi proiekturen artean banatu dute 150.000,00 €-ko diru-poltsa.
Animazioa eta fikzioa jasoko ditu KIMUAK sortaren 2023ko katalogoak. Hautatu dituzten zazpi filmetako bat besterik ez da euskara hutsean egin; beste bat euskaraz eta frantsesez eta gainerakoak gaztelaniaz egin dira, horietako bik hindia eta bengaliera ere erabiltzen dute.
Zinema Euskaraz programarako bikoizketa eta kontrol teknikoaren zerbitzua kontratatzeko laguntzaren ebazpena plazaratu du Zineuskadi Elkarteak bere webgunean. UTE K 2000 – SONORA, FX MEDIA eta MIXER enpresak ageri dira esleipenerako agenteen zerrendan.
2deo Seriak deialdiaren baitan, Tabakaleran kokaturiko euskarazko ikus-entzunezkoen laborategian garatzeko hautatuak izan diren proiektuak iragarri dituzte programaren arduradunek. 5.000 euroko laguntza jasoko du bakoitzak, eta banakako aholkularitza izango dute.
Zinema-aretoek Europar Erkidegoko eta Iberoamerikako filmen kopiak eskuratzeko laguntzen deialdiaren lehenengo ebazpenaren berri eman du Zineuskadi Elkarteak. Guztira, 105.000 euro banatu ditu gehienez hiru pantaila dituzten (78.500 euro) eta hiru pantaila baino gehiago (26.500) dituzten aretoen artean.
(H)emen – Ikus-entzunezkoen eta arte eszenikoen sektoreko emakumeei zuzendutako elkarteak aditzera eman ditu AUKERA mentoretza programan parte-hartuko duten proiektu hautatuak. Gidoi, zuzendaritza eta ekoizpen prestakuntza intentsiboa jasoko dute eta, ondoren, ZINEBI Jaialdiaren Industria atalean egingo dituzte pitchingak.
Zineuskadi Elkarteak kudeatutako Basque Audiovisual bulegoak Araba, Bizkaia eta Gipuzkoatik kanpo egiten diren merkatuetan, azoketan, eta ekimen profesionaletan parte hartzeko diru-laguntzen bigarren ebazpena ezagutarazi du. 25.239,09€ esleitu ditu, orotara, hogei proiekturen artean banatuta.
Fikzio eta animaziozko film zinematografikoen eta sormenezko dokumentalen sustapen eta publizitaterako 2022ko deialdiaren baitan, Goya sariak sustatzeko kanpainari eskainitako azpiatal bereziko laguntzaren bigarren zatiaren onuradunen berri eman du ZINEUSKADI elkarteak.
Sameh Alaa, María Alché, Maddi Barber, Naomi Pacifique, David Pérez Sañudo eta Hikaru Uwagawa egileen proiektu zinematografikoak aukeratu dituzte 2023ko Ikusmira Berriak programaren bederatzigarren edizioan. Zortzi asteko egonaldia egingo dute, bi garai desberdinetan banatuta.
2022ko fikzio eta animaziozko film luze zinematografikoen eta sormenezko dokumentalen sustapenerako eta publizitaterako diru-laguntzen ebazpena plazaratu du dagoeneko Zineuskadi Elkarteak. Zazpi proiektu izango dira onuradunak, eta 150.000€ banatuko dira guztira.
