Aretoetan eta zirkuitu alternatiboetan euskarazko filmen merkataritzako estreinaldiak bultzatzeko 2024ko laguntza-programa aurkeztu du Zineuskadi Elkarteak. Abenduaren 31ra bitartean aurkeztu daitezke proposamenak.
Euskal Herri osoko emakume zuzendari berrien film luzeen proiektuak tutorizatzeko eta laguntzeko Eusko Jaurlaritzak eta Tabakalerak kudeaturiko NOKA Mentoring programak 2024ko deialdia zabaldu berri du. Otsailaren 26ra bitartean aurkez daitezke proposamenak.
Ikus-entzunezko produkzioko profesionala zara? ICAAren eta Eusko Jaurlaritzaren ingurumen-baldintzak betetzen dituzten jasangarritasun-planak garatzen eta martxan jartzen ikasi nahi duzu? Ikus-entzunezko produkzioko profesionalentzako aurrez aurreko lantegi praktikoa antolatu du BASQUE GREEN FILM idazkaritza teknikoak, datorren urtarrilaren 15ea, 16 eta 17an, Donostian, Gasteizen eta Bilbon.
Klimametraje – Klima Aldaketari buruzko gazteen film laburren II. Lehiaketa aurkeztu dute, ikus-entzunezkoen bidez EAEko gazteak klimaren erronkari aurre egiteko eta beren ekintza gaitasuna garatu dezaten mobilizatzeko. Festhome plataforma bidezko izen-ematea zabalik da, urriaren 30a bitartean.
Datorren uztailaren 1ean, larunbatean, abiatuko dute Euskal Autonomi Erkidegoko eta Iberoamerikako filmen kopiak zinema-aretoetan sartzeko laguntzak emateko deialdiaren bigarren zatiko eskaerak aurkezteko epea. Hamabost egunez aurkeztu ahal izango dira eskaerak, hilaren 15era bitartean.
Hego Euskal Herriko, Galiziako, Asturiaseko eta Kantabriako film laburren katalogoetan hautatutako lanen emanaldiak egingo dituzte Bilbon asteburuan, Corten! egitasmoaren abaroan. Azkuna Zentroa izango da ekimenaren aterpe.
Nafarroako Foru Erkidegoko zinema-aretoek guztira 935.436 ikusle bildu zituzten 2022an, FECE -Espainiako Zinema-Aretoetako Federazioak zabaldutako datuen arabera. Honen arabera, zinema-ikusle kopuru gehien dituen Estatuko hirugarren lurraldea da.
2023an, EAEko eta Iberoamerikako filmen kopiak zinema-aretoetara iritsi daitezen bermatzeko diru laguntzen ildoa ezarri du Zineuskadi elkarteak. 210.000 euroko diru-poltsa atondu dute, eta bi fasetan banatuko da.
KIMUAK programaren 2022ko ediziora film laburrak aurkezteko epea zabalik da, maiatzaren 25era bitartean. Deialdi honetan hautatuak diren film laburrak KIMUAK deiturapean jasoko dira eta nazioarteko zinema jaialdi zein ikus-entzunezko ospakizun garrantzitsuenetara bidaliko dira.
Pandemiaren bilakaerak ekimenaren behin-behineko etena eragin ostean, Zinemaren Jaia deituriko deskontu-aldiaren edizio berri bat egingo dute EAEko zein Nafarroako zinema-aretoetan. Sarrerak 3,50 euroan eskuratu ahalko dira maiatzaren 3an, 4an eta 5ean.
