Iragan abenduaren 21ean Estatu espainiarreko 24 zinema aretoetan estreinatu zuten Telmo Esnalen Dantza filma. Hamaika aste igaro ditu karteldegian, eta, orotara, 42.000 ikusle erakarri ditu pantaila handiaren argipera. DVD euskarrian jarri dute salgai asteartetik.
Duela gutxi, zinemaren kontsumo digitalarekin zerikusia duen gertaera tamalgarria jazo zen. Filmstruck plataformak, bere zerbitzua etetzeko erabakia hartu zuen. Filmstruck, Netflix, Amazon edo HBO plataformen negozio-logikan oinarritzen zen, baina bereizgarri garrantzitsuarekin: bere katalogoa autore-zineman eta zinemaren historian gako diren obretan oinarritzen zen, Criterion bilduma entzutetsua barne. https://www.youtube.com/watch?v=wJ4xpKwvI60 Badirudi, zinemaren historia handia osatzen duten filmeek ez dutela leku handirik streaming plataformen errealitatean. Baina ez hori bakarrik,
Hamar Goya sari jaso dituen Aitor Arregi eta Jon Garañoren Handia filma etxerako bertsioan eskura daiteke jada. DVDak eduki gehigarriak eskainiko ditu, tartean, zuzendariei egindako elkarrizketa eta filmaren making-off delakoa.
Tinko Euskara Elkarteak ataria berritu du, eta hori ospatzeko, DVD sortak zozkatuko ditu. Parte hartzeko, mezu bat bidali behar duzu izaskun@tinkoeuskara.eus helbidera, katalogoko lanen artean gustukoena zein duzun azalduz. Animatu eta hartu parte!
http://vimeo.com/40230513 Azkeneko urteotako Euskal Herrian egin diren dokumentalik ezagunenetakoa den Gazta zati bat-ek etxe guztietara iristeko aukera izango du DVD formatuan argitaratu baita. Honen aurkezpena ostiral honetan egingo dute Donostiako (Gipuzkoa) Fermin Calbeton kaleko Elkar liburu dendan, 18:30ean. Ekitaldian Jon Maia zuzendariak parte hartuko du, eta DVDaren aleak sinatuko ditu.
