Zabaldu dute Tolosako Leidor Antzokiko maiatza eta ekaineko zikloak hartuko dituen proiekzioen egitaraua. Sarreren salmenta ireki eta egun bat beranduago abiatuko dira saioak maiatzaren 11ean, eta hilabete eskas luzatuko dira. Ekainaren 14ra arte, alegia.
Soinujolearen semea David hilzorian dago, eta Joseba, txikitako laguna, azken agurra ematera joan zaio Kaliforniara. Biak ETAkide izandakoak dira Francoren diktaduraren azken urteetan, baina Davidek deserrirako bidea hartu behar izan zuen militantzia kideen arbuioak probokatuta. Orain, azken topaketa honetan, egiari aurre egin beharko diote aspaldiko lagun hauek. Euskal literaturan inoiz argitaratu den eleberri garrantzitsuenetako bat da Bernardo Atxagak idatzitako 'Soinujolearen Semea'. Euskaraz idatzitakoen artean sari
