Abiatu berri den Euskaraldia ariketa sozialarekin bat egin du Zineuskadiren Filmazpit egitasmoak. Euskararen olatura batu, eta Happy End filmaren emanaldi berezia atondu dute azaroaren 27an, Victoria Eugenia Antzokiko Club Aretoan. Ondoren, Maider Oleaga zinegileak gidatutako solasaldia izango da.
http://www.youtube.com/watch?v=fo2dfY317-k Lee Chang-dong zuzendari korearraren Poetry filma izan da Filmazpit katalogora gehitu duten azken lana. Urte hasieran Murderball izan zen, orain Poetry, eta Entre les murs, The Shock Doctrine zein La Danse izango dira datozen hilabeteetan euskaraz azpititulatuko dituzten filmak. Urte amaieran 20 titulu baino gehiago izango dira Filmazpit katalogoa osatuko dutenak, Donostia Kultura erakundearen aurreikuspenen arabera. Nazioartean oniritzia jaso duen filma da programak dakarren
