Donostiako Giza Eskubideen Zinemaldiak ezagutzera eman du 20. edizioko palmaresa. Silvia Muntek zuzendu, eta Jorge Gil Munarriz legazpiarrarekin batera idatzitako euskal ekoizpenak lortu du ikus-entzuleen boto bidez ebatzitako sari nagusia. The Lost Souls of Syria (Stéphane Malterre eta Garance Le Caisne) dokumentalak irabazi du Amnesty International Saria, eta Yellow (Elham Ehsas) izendatu dute film labur onena.
Apirilaren 21etik 28ra bitartean egingo duten ekitaldiaren xehetasunak argitu dituzte gaur: 20.000 especies de abejas (Estibaliz Urresola, 2023) filmak abiatuko du jaialdia, eta sail ofizialean hainbat euskal ekoizpen erakutsiko dituzte, tartean, Tetuán (Iratxe Fresneda, 2022), Las buenas compañías (Silvia Munt, 2023), edota Karpeta Urdinak (Ander Iriarte, 2022). Azken hau lehiaketaz kanpo.
Iratxe Fresneda zinemagile bizkaitarrak Tetuán (2022) filma aurkeztuko du Donostiako Giza Eskubideen 20. Zinemaldian, eta proiektuaren harira, “munduko pertsonen mugimenduari lotutako aurpegiak eta paisaiak bilatzea” abiapuntu duen erakusketa hartuko du hiriko Liburutegi Nagusiak apirilaren 20tik maiatzaren 6ra bitartean.
Zinema jaialdia apirilaren 21etik 28ra bitartean gauzatuko dute, eta dagoeneko egitarauaren aurrerapena egin dute. Estibaliz Urresolaren opera primak abiatuko du 2023ko edizioa, eta Iratxe Fresnedaren Tetuán (2022) proiektua sail ofizialean lehiatuko da.
‘Carmen Castillo, txiletar erbesteratu bat’ erakusketa martxoaren 2tik maiatzaren 4ra bitartean egongo da ikusgai, Okendo Kultur Etxean. Dokumentalista eta idazlearen erbestealdia errepasatuko du mostrak; sortzaileak festibalaren aitortza berezia jasoko du 20. edizioko irekiera-ekitaldian.
Gaur ekingo diote Donostiako Giza Eskubideen Zinemaldiari. Victoria Eugenia Antzokia prest dago The Man Who Sold His Skin (Kaouther Ben Hania, 2020) filmarekin hiritarrak txunditzeko, apirilaren 8ra bitartean munduan gertatzen diren errealitateen aldarri bilakatzeko. Egitarau zabala prestatu dute 19. ediziorako, urtero legez, gaurkotasuna helduleku. Josemi Beltran jaialdiko zuzendariak, astebete luzez zinemazaleek hirian izango duten eskaintzaz hitz egin digu ZINEAn. Jorratuko dituzten gaien artean, emakumeengan eta
Emakumea ardatz izango duten film laburren sorta proiektatuko dute gaur, 19:00etatik aurrera, Gasteizko Oihaneder Euskararen Etxean. Zinema jatorrizko bertsioan eta euskarazko azpitituluekin eskaintzen duen Filmazpit zikloaren barruko proiekzioa izango da saioa.
Donostiako Giza Eskubideen Zinemaldiak 19. edizioan haur eta gazteei zuzendutako filmak zeintzuk izango diren jakinarazi ditu: Zutik! (Iker Alvarez eta Haizea Pastor, 2021), Tximinoen izarra (Linda Hambäck, 2022) eta Maixabel (Iciar Bollain, 2021). Ekimenean parte hartu nahi duten ikastetxeek pelikulen gaiak lantzeko gida didaktikoak ere jasoko dituzte.
Iritsi da Giza Eskubideen Zinemaldia agurtzeko unea. Astebetez, donostiarrek jaialdiko 18. edizioan aurkeztutako filmez gozatzeko aukera izan dute, eta azken egunetan euskal ekoizpenekin, gainera. Batetik, Apaiz kartzela (Ritxi Lizartza, David Pallarès, Oier Aranzabal, 2020) ekoizpenak omenaldia egin nahi izan die diktadura frankista garaiko azken urteetan gizarteak jasaten zuen zapalkuntza bere sermoietan salatzera ausartu ziren abadeei. Ahotsa beraiei emanez, 1968tik 1976ra bitartean Francok eta Vatikanoak sinatutako
David Beriain eta Roberto Fraile kazetari euskal herritarrak Burkina Fason erail dituztela ezagutu dugun egun berean proiektatu dute Donostiako Victoria Eugenia Antzokian Àngel Leiro eta Airy Maragall zinemagileek zuzendutako Álbum de posguerra (2020) dokumentala, Gervasio Sánchez gerrako argazkilari ezaguna gidari duena. Espainiarrak ondo ezagutzen zituen Beriaun eta Fraile, eta hunkituta azaldu da taula gainean emanaldiaren osteko solasaldiaren aurretik ikus-entzuleek eta hizlariek egin duten minutuko isilunean.
