Euskadiko Filmategiak, Donostia International Physics Centerrek eta Donostia Zinemaldiak 2023ko lehen hiruhilekoa hartuko duen zinema zikloaren egitarau berria aurkeztu dute gaur, urtarrilak 11, Tabakaleran egin duten agerraldian. Guztira, 10 film pantailaratuko dituzte seigarren edizioan, eta saio bakoitzaren ostean izen handiko zientzialarien azalpenak entzuteko aukera egongo da.
Etxeko txikiek ere izango dute aukera Donostia Zinemaldiaren 70. edizioko programazioaz gozatzeko. Donostia, Zinema Hiria, Zientzia Hiria goiburuarekin, hiriak zientziarekin duen loturan sakontzeko aukera izango dute Donostia International Physics Center (DIPC) eta Euskadiko Filmategiarekin batera atondutako emanaldiari esker.
Euskadiko Filmategiak, Donostia International Physics Centerrek eta Donostia Zinemaldiak 2022ko lehen hiruhilekoa hartuko duen Zinema eta Zientzia zikloaren egitarau berria aurkeztu dute gaur, urtarrilak 12, Tabakaleran egin duten agerraldian. Guztira, 50 proiekzio izango ditu bosgarren edizioak, eta saioen ostean izen handiko zientzialariek azalpenak eta solasaldia eskainiko dituzte.
Elhuyarrek eta Donostia International Physics Centerrek antolatutako OnZientzia bideo laburren lehiaketaren 11. edizioa martxan da, eta lanak bidaltzeko epea apirilaren 21era arte izango da zabalik. Gai zientifiko zein teknologikoei buruzko bost minutu baino gutxiagoko lanak galdatu dituzte antolatzaileek, Teknopolis zientzia eta teknologiaren dibulgaziorako telebista saioan eskaintzeko modukoak.
Donostia Zinemaldia, Donostia International Physics Center (DIPC) eta Euskadiko Filmategia elkarlanean arituko dira hiriaren bereizgarrietako bi lotzeko: zinemarako zaletasuna eta zientzia-espezializazio handia. Akordio horren ondorioz, DIPCeko zientzialariek aurkeztuko dute Belodromoan Gipuzkoako ikastetxeentzat programatuko den filma, Tximinoen erresuma, filma testuinguruan kokatzeko eta ikusleei zientziaren eta ekarpen zientifikoen aldeko irudia helarazteko. Zinemaldiak eta DIPCek elkarrekin aukeratu dute filma, eta euskarara bikoiztuta proiektatuko da.
