Gipuzkoako CNT sindikatu anarkistaren kultur atalaren ekimenez, Memoria Historikoaren jardunaldiak egingo dituzte uztailean, Donostiako Amara Berri auzoko Ferrerias Plazako egoitzan. Tartean, bi dokumentalen emanaldia eskainiko dituzte, hilaren 6an eta 20an.
Bad like Brooklyn Dancehall (Ben Digiacomo, 2023) filmak abiatuko du Perfect Day atal ez lehiakorra, gaur. Aldiz, bihar ekingo diote film luze eta laburren sail ofizialei. Kontzertuek, bi elkarrizketa saiok eta erakusketa batek osatuko dute hilaren 22ra arteko egitaraua.
Arroxelako Sunny Side Of The Dock 2024 azokan parte hartu nahi duten proiektuek Basque. Audiovisual. Markaren hegalpean egin dezakete. Katalogo espezifiko batean jasoko dituzte nazioartekotzeko xedea duten proiektuak, horien ikusgarritasuna bermatzeko.
Zabalik dagoen Doklab Navarra dokumentalistentzako prestakuntza progamaren deialdiari begira, online saio informatibo berriak egingo dituzte, xehetasunak argitzeko. Saio hauek asteazkenetan izango dira: maiatzaren maiatzaren 29an, 19:00etan, eta ekainaren 5ean 19:00etan.
Hainbat dirulaguntza lerro onartu berri ditu Eusko Jaurlaritzak, tartean, ikus-entzunezko ekoizpena sustatzeko dirulaguntzen deialdia, film luzeak, film laburrak eta serieak barne biltzen dituena. 7.280.000€ banatuko dira, aurreko ekitaldian baino 4,8 milioi euro gehiago.
Talentuaren Gunea ahots eta narratiba berriei zuzenduriko topagunearen edizio berri bat egingo dute datorren apirilaren 16an, Bilboko Azkuna Zentroan. Hilaren 5a bitartean aurkeztu ahalko dira proiektuak.
Punto de Vista jaialdiaren 18. edizioaren hasiera. Nafarroako Gobernuaren Kultura Departamentuak bultzatutako eta NICDO sozietate publikoak antolatutako Punto de Vista – Nafarroako Zinema Dokumentalaren jaialdiak 18. edizioa ospatuko du martxoaren 11tik 16ra bitartean.
Beste urte batez, euskal ikus-entzunezkoaren plaza bilakatuko du Irudienea guneak 58. Durangoko Azoka, abenduaren 6tik 10era bitartean. Mostrak hartuko dituen 265 ekitaldietatik 29 izango dira ikus-entzunezkoen aurkezpenak.
Ondarearen Europako Jardunaldiak programaren abaroan, Zabalea eta Bengoetxeko auzotarren testigantzak filmatu dituzte Galdakaon, azken hamarkadetan biziguneek bizi izan dituzten aldaketak jaso eta hilezkortzeko asmoz. Datorren urrian proiektatuko dute emaitza, bizilagunei zabaldutako hainbat emanalditan.
Fikziozko eta animaziozko film luzeak eta sorkuntzazko dokumentalak sustatzeko eta publizitatea egiteko laguntzen ebazpena plazaratu du Zineuskadi Elkarteak. Orotara, zazpi proiekturen artean banatu dute 150.000,00 €-ko diru-poltsa.
