Perlak sailak 17 film luze erakutsiko ditu aurten, eta horietako hamabost lehiatuko dira Udalak zazpigarren urtez jarraian babesten duen Donostia Hiria Publikoaren Saria eskuratzeko. Udalak hiritarrei egindako omenaldi gisa planteatzen du golardoa, haiek baitira bozketa bidez sariak ematen dituztenak. Zinemaldiaren amaiera-galan ezagutuko dugu epaia.
Zornotza Aretoak urrian abiatutako ekimenak jarraipena izango du, gutxienez, datorren urtera arte. Abendu amaiera bitartean, urteko film luze eta labur nabarmenduenen lagina erakutsiko dute, ostegunero eta doan.
Espainiar Estatuko Beldurrezko hiru zinemaldik, Donostiako Beldurrezko eta Fantasiazko Zinemaren Asteak, Fancine Málagak eta Molins del Reiko Beldurrezko Zinema Jaialdiak bat egin dute Azaro Mamua izeneko edukien onlineko kanala sortzeko. Film laburrak, hitzaldiak eta beste eduki esklusibo batzuk eskainiko dituzte.
Covid-19 gaitzaren zabalkundea eteteko deitutako larrialdi egoeraren ondorioz, arduraz jokatu eta bertan behera utzi ditu Topatu Gazte Proiektu Komunikatiboak Zizelkariak (2019) dokumentalaren herriz herriko aurkezpenak. Horren ordez, osorik eta doan jarri dute ikusgai komunikabidearen Youtube kanalean.
Zinebi eta FANT jaialdietako azken edizioetatik igarotako lanez osatutako doako zinema saioak atondu dituzte egunotan Bilbon. Basurto eta Zorrotza barrutietako Udaltegietan egingo dituzte emanaldiak, maiatzaren 15tik 31ra bitartean.
