Martxan da Etxepare Euskal Institutuak euskal sortzaile eta eragileak nazioartekotzeko bidaia-poltsetarako banaturiko dirulaguntzen deialdia. Zinema edo literatura modalitateetan jarduten duten profesionalak zein eragileak izan daitezke onuradun.
Eusko Jaurlaritzaren Kultura eta Hizkuntza Politika sailak film luzeak, telesailak eta telesail laburrak garatzeko 2021eko diru-laguntza deialdia kaleratu berri du. Proiektuak aurkezteko epea hilabetez luzatuko da, ekainaren 1era arte, eta 400.000 euroko aurrekontutik 250.000 euro bideratuko dituzte film luzeen atalera.
Arabako Foru Aldundiak ikus-entzunezkoen sorkuntzarako diru laguntzen KSIk deialdia zabaldu berri du, eta proposamenak helarazteko epea maiatzaren 10ean amaituko da. Proiektuen garapena, zinemarako film luzeen eta sormen dokumentalen ekoizpena, film laburren ekoizpena, serieen ekoizpena eta gidoien idazketa azpi-atalak bereizi dituzte, eta aurrekontua 290.000 eurokoa da.
Zineuskadi elkarteak fikziozko eta animaziozko film luzeak eta sorkuntza dokumentalak sustatzeko eta publizitatea egiteko laguntzen 2021eko deialdia kaleratu du, eta eskaerak egiteko epea maiatzaren 6an amaituko da. Aurrekontua 150.000 eurokoa da, eta proiektu bakoitzak, gehienez, publizitaterako eta sustapenerako egindako eta auditatutako gastuen % 50 jaso ahal izango du.
Euskadi Movie AIE ekoiztetxe bilbotarraren Strange Fishing Sundays proiektua Creative Europe MEDIAren Development of Audiovisual Content – Single Project 2020 programarako hautatu dute. Proiektua garatu ahal izateko 50.000 euroko diru-laguntza jasoko dute sortzaileek.
Europako Batzordeak kultura eta ikus-entzunezkoak babesteko garatutako programa da Creative Europe, eta honen baitan, MEDIA izeneko azpiatalak, film eta ikus-entzunezkoen garapena, banaketa eta zabalkundea sustatzeko laguntzak eskaintzen ditu. Bada, 2019-2020ko deialdiak zabaldu dituzte, eta aldaketak egin dituzten hainbat ataletan.
Zinema-aretoek Europa eta Iberoamerikako filmen kopiak eskuratzeko laguntzen berri eman du Zineuskadi elkarteak. Gaur goizean iragarri dute 2018ko deialdiko eskaera onuradun eta ukatuen zerrenda.
Basque Audiovisual ekimena European Film Marketen izango da aurten ere. Beren proiektuak katalogoan erakutsi nahi dituzten ekoizleak galdegin dituzte, urtarrilaren 17a baino lehen.
Donostiako hirian musika, atzerki, dantza , liburu, ikus-entzunezko eta ikusmen-arteen jaialdiak antolatzeko diru-laguntza deialdia zabaldu berri du Donostia Kulturak. 2018ko urriaren 18ko Gipuzkoako Aldizkari Ofizialean (GAO) argitaratu dira oinarriak, eta hilabeteko epea izango da eskaria egin eta proiektuak aurkezteko.
Gipuzkoako Foru Aldundiak 2017ko hirugarren hiruhilekoan emandako zuzeneko diru-laguntzak kaleratu ditu, eta proiektuen artean, ikus-entzunezkoekin lotura duten bi egitasmo daude: García Goena, caso abierto dokumentala, eta Elkarrekin – Together dokumentala barne hartzen duen Sentitu, pentsatu, ekin. Elkarrekin proiektua.
