Donostiako Udalak, Abuztua Donostian izenburupean, 2021eko abuztuko kultur ekitaldien egutegi oparoa atondu du hiriburuko auzo guztietan, eta ikus-entzunezkoei dagokienez, zortzi dira Zinema Kalean programan eskainiko dituzten filmak, tartean, Agur Etxebeste! (Telmo Esnal eta Asier Altuna, 2019) eta Errementari (Paul Urkijo, 2017) euskal proposamen laudatuak.
2021. urteko eskaintza berriari bide eman dio jada Filmazpit katalogoak, eta dokumental bat, bi animaziozko film, bi drama sozial eta beldurrezko film laburren bilduma bat gehitu ditu eskaintzen liburuskara. Aurrerantzean, interesa duen ororentzat izango dira filmak eskuragarri, kosturik gabe proiekzioak antolatzeko.
Bagera Donostiako Euskaltzaleen Elkarteak abenduaren 17an egingo du hileko zineforum emanaldia, eta urtea amaitzeko Michel Ocelot zinemagile frantziarrak 2018an aurkeztu zuen Dalili Parisen (Dilili à Paris) animaziozko drama eskainiko dute Lugaritz Kultur Etxean, 17:00etan. Filmazpit ekimenaren babesarekin, euskarazko azpidatziekin izango da ikusgai.
Ia bi hilabeteko oporraldia tarteko, aurkeztu dute abuztuan eta irailean Donostiako Kresala Zineklubak programatuko dituen filmen zerrenda. Ohi bezala, saiook gonbidatu baten bisita jasoko dute, eta solasaldia egingo dute emanaldi bakoitzaren ostean.
Donostia Zinemaldiak 66. edizio honetan Antonio Elorza belodromoan aurkeztuko dituen ekoizpenak zeintzuk izango diren argitu berri du: Arde Madrid, Dilili à Paris, Ni distintos ni diferentes: campeones eta Smallfoot. 3.000 eserleku baino gehiago dituen zinema-aretoan, beste behin, estreinaldi garrantzitsuak hartuko ditu 400 m2-ko pantaila erraldoiak.
