Sari ofizialei dagokienez, Miki Duranek zuzendutako Ben lanak irabazi du Estatal saileko Urrezko Raspa, eta Rafa Cortesen Fiona obrak zilarrezkoa. Euskarazko lan onena Eñaut Castagneten Muga izendatu dute. Tokiko film labur onena Yaiza Gonzalezen sortutako Pesadilla en Nueva York izan da.
Gaur hasi eta urriaren 21era bitartean luzatuko da Santurtziko Zinema Jaialdia. Lau sail izango ditu, eta bi erakusketek eta klase magistral batek osatuko dute egitaraua.
SANTURZINE – Santurtziko Film Laburren Jaialdiak Borja Cobeaga zuzendari eta gidoilariak eta Diego San Jose gidoilariak osatutako dupla artistikoari emango dio hamaikagarren edizioko Serantes Saria. Urriaren 21ean ospatuko den itxiera ekitaldian jasoko dute golardoa.
Iazko edizioan protagonista nagusiak izan baziren ere, aurten apenas dago datorren urtarrilaren 29an Zaragozan banatuko dituzten Espainiako Zinema Berriemaileen Elkartearen Feroz sariak eskuratzeko euskal hautagairik. Iragarri dituzte behin betiko izendapenak, eta Maixabel filmak zortzi lortu ditu. Tartean dira, film dramatiko onenarena (Kowalski Films), taldeko aktore onenarena (Urko Olazabal) eta jatorrizko musika onenarena (Alberto Iglesias).
Zinemazaleak goiz-goizetik pilatu dira Kursaal kongresu jauregiaren inguruetan. Milaka izan dira, akreditazioa lepotik zintzilik zeramatela, lehen ordutik aretoetarako ilarak bete dituzten ikusle goiztiarrak. Hasiera ofiziala, ordea, Juan Vera argentinarraren El amor menos pensado filmaren proiekzioak emango dio, gaur gauean ospatuko den irekiera galan.
