‘Dena asmatuta dago’ eta ‘Trabatutak’ film laburrak, Bilbon ikusgai
Bidea bidean bide ekimenaren barruan antolatu du Loraldiak saioa. Urtarrilaren 30ean izango da, Bira Kulturgunean. Emanaldiaren ostean zuzendariekin solasaldia egongo da.
‘Dena asmatuta dago’ filmak irabazi du 2024ko Urrezko Antzarra
Urriaren 16tik 21era bitartean ospatu dute 47. Euskal Zine Bilera, Lekeition, eta Jone Arriolak zuzendutako lana gailendu da sail ofizialean. Maddi Barber (Alas/Tierras) izendatu dute zuzendari onena, eta Ximiñoa-k jaso du gidoi onenaren saria. Benito Ansola saria Larramendi (Daniel Nespereira eta Zihara Etxeberria) filmarentzat izan da, eta Puzzleak (Kote Camacho) izan dute ikus-entzuleek gogokoen.
‘Lesvia’ film greziarra nagusi, 21. Zinegoak jaialdian
Lesbianismoak pairatutako bazterkeria eta ultraeskuinaren gorakada erakusten dituen dokumentalak irabazi du 2024ko ekitaldiko Sari Nagusia. Euskal ekoizpen bakarra ageri da palmaresean; senior epaimahaiak Jone Arriolaren Dena asmatuta dago film laburrari aipamen berezia eman dio.
21.Laburbira zirkuituak erakutsiko dituen 8 filmak argitu dituzte
Apirilaren 12tik maiatzaren 12ra bitartean egingo da Laburbira zirkuitoaren 2024ko edizioa, ikusleek film-labur onena hautatzeko aukera izango dutenaren berrikuntzarekin. Bertan ikusgai izango diren proiektuen zerrenda eman dute ezagutzera.
(H)emen elkarteak antolatutako pitching saioak egingo dituzte Zinemaldian
70. Donostia Zinemaldiaren egitarauaren barruan, (H)emen elkarteak jardunaldi berezia izango du. Irailaren 19an, Espainiako estatuko eta nazioarteko ekoizleei aurkeztuko dizkiete aukeratutako lau proiektu finalistetako arduradunek beraien proiektuak.
Iban del Camporen ‘Serendipia’ lana nagusi, 44. Euskal Zine Bileran
Iban del Campok zuzendutako Serendipia film laburra gailendu da aurtengo Euskal Zine Bileran. Azaroaren 27an eman zioten amaiera 44. edizioari, eta antolatzaileen hitzetan, genero eta izaera oso ezberdinetako lanak ikusi ahal izan dira: “Aniztasun horren bidez, istorio ikusgarri eta interesgarriez gozatzeko aukera egon da”.
Hiru finalista VI. Benito Ansola Saria irabazteko lehian
Deserri (Imanol Gurrutxaga), Bi hankako zakurra (Aimar Erkiaga) eta Dena asmatuta dago (Jone Arriola Lobete, Ana Angulo Umaran eta Itxaso Frau Terradillos) lanak euskarazko ikus-entzunezkoen VI. Benito Ansola Saria jasotzeko finalista izendatu dituzte. Sortzaileek azaroaren 26an defendatu beharko dituzte beraien proiektuak Lekeitioko 44. Euskal Zine Bileran. Hurrengo egunean ezagutuko da irabazlea, eta 3.000 euro jasoko ditu.
