KIMUAK sortako hainbat lan emango ditu gaur Euskal Telebistak
KIMUAK katalogoaren parte izandako hainbat lan eskainiko ditu gaur Eusko Telebistak. 22:30tik aurrera izango dira ikusgai, ETB1en eta eitb.eus-en.
23 labur, V. Donosskino festibalean
Donostia Zinemaldiaren zurrunbiloa pasata, film laburrei eskainitako astebeteko jaialdiak hartuko du Donostia urri hasieran, Donosskino festibalaren bosgarren ekitaldia egingo baitute hilaren 5etik 9ra. 23 dira bertan ikusgai eta lehian izango diren nazioarteko zein bertako ekoizpenak, tartean, Paul Urkijoren Dar-dar eta David P. Sañudoren La colcha y la madre ekoizpenak.
Udarekin batera, hemen da Gasteizeko XII. Korterraza jaialdia!
Korterraza Film Laburren Gasteizko Jaialdiaren XII. edizioa uztailaren 7tik 11ra egingo dute Iradier Arenan, eta bost ataletan banatuta, 46 proposamen eskainiko dituzte egitarauan. Horrez gain, lurraldeko plazetan barrena 37 geldialdi egingo ditu Korterraza Araba jaialdi ibiltariak irailera bitarte.
Paul Urkijoren zuzendari lana saritu dute AEBn
Paul Urkijo zinemagileak Zuzendaritza Onenaren saria jaso du Utah-n (AEB) ospatu berri duten FILMQUEST jaialdian. Egun, Irati bere bigarren film luzearen grabaketa lanetan ari da arabarra.
‘Ane’ filmaren lantaldeak proiektu berria aurkeztuko du
David Pérez Sañudok zuzendutako eta Marina Parés gidoigilearekin elkarlanean idatzitako Ane arrakastatsuaren lan taldeak maiatz amaieran aurkeztuko du La colcha y la madre proiektu berria Semana de Cine de Medina del Campo film laburren topagune garrantzitsuan. Susana Abaitua eta Nieve de Medina aktoreek antzeztu dituzte filmeko ama-alaba protagonisten paperak.
13 euskal proposamen Nantesko Festival du Cinéma Espagnolen
Bihar, martxoak 25, hasi eta apirilaren 4ra arte luzatuko den Nantesko Festival du Cinéma Espagnol jaialdian Fenêtre Basque izeneko atala atondu dute hogeigarren urtez. Euskal ekoizpen nabarmenenak bistaratzeko helburua du, eta aurtengo edizioan hamahiru euskal proiektu izango dira ikusgai, tartean, Oskar Alegriaren Zumiriki (2019) eta Asier Altunaren Arzak Since 1987 (2020) dokumentalak.
Maddi Barberren ‘Gorria’ filmak irabazi du Huhezinema saria
Osasun krisia tarteko, formatu hibridoan ospatu dute HUHEZINEMA Film Laburren Jaialdiaren 14. Edizioa, martxoaren 17an eta 18an, Aretxabaletako Arkupe aretoan eta Twitch streming plataforman. Maddi Barberren Gorria filma nagusi, baina orotarikoa izan da epaimahaikideek hautatutako palmaresa.
37. Euskal Zinemaren Astea egingo dute Gasteizen
Otsailaren 22an hasi eta 27ra bitarte, astelehenetik larunbatera, euskal zinemari eskainitako astea ospatuko dute Gasteizen Vital Fundazioaren eskutik. Bost film luze eta beste bost labur, azken horiek arabar zinemagileek zuzendutakoak, eskainiko dituzte 18:30ean hasita. Saio bakoitzerako sarrera bi euroan eskuratu ahal izango da, eta emanaldi guztietarako txartela, bederatzi euroan.
Lau garaile, Errenteriako Film Laburren XXV. Jaialdian
Azaro amaieran egin zuten Errenteriako Film Laburren Jaialdiaren XXV. edizioa, eta aretoaren edukiera zein gonbidatuen kopurua murriztu bazituzten ere, ohiko itxura mantentzeko egindako ahaleginak tarteko, festibalaren emankizun guztiak presentzialki egin zituzten, eta irabazle ia guztiak sari-banaketa ekitaldian izan ziren.
Iragarri dituzte Euskal Zine Bileran lehiatuko diren lanak
Hemeretzi izango dira 43. Euskal Zine Bileran lehiatuko diren laburrak, iaz bezala, kategoria profesionala eta amateurra bereizi gabe. Tartean dira Ander Iriarteren Emarri, Ekain Albiteren Haizearen egia eta Maria Elorza eta Koldo Almandozen Quebrantos proiektu interesgarriak. Hilaren 23an, 24an, 25ean eta 26an egingo dituzte emanaldiak online, eta 29an palmaresaren proiekzioa.
