Metabertsoak ardatz dituen abentura basatiak zazpi estatuatxo irabazi ditu bart, Hollywoodeko Akademiaren galan. Hitzorduko bigarren protagonista nagusia Netflixek ekoiztutako All Quiet on the Western Front film beliko alemaniarra izan da, lau garaikurrekin.
Zuzendaria: Dan Kwan, Daniel Scheinert Urtea: 2022 Herrialdea: AEB 'Errealismo modala edo errealismo kapitalista?' ‘Daniels bikotea’ ezizenaz ezagutzera eman diren bi zuzendarien azken komediak Everything, Everywhere, All the Time (“dena, leku guztietan, uneoro”) du izena. Iaz Stuart Jeffries idazleak postmodernitateari buruz argitaratu zuen entseguaren izan berbera jarri diote: Everything, All the time, Everywhere: How We Became Postmodern. Hasiera batean, behintzat, kasualitate hutsa dela pentsa genezake.
