Datorren astelehenean, otsailak 5, ekingo dio Donostiako Kresala Zineklubak denboraldi berriari eta martxoaren 19ra arte, sei proiekzio egingo dituzte astelehenero Trueba Zineman, 19:30ean. Emanaldien aurretik, ohiko legez, filmen aurkezpen txiki bat egingo dute gonbidatuek.
The Journey Veneziako zinema jaialdian, lehiaketaz kanpo, aurkezu zuten iragan irailean Nick Hamm zinegilearen The Journey proiektua. Ipar Irlandako bake prozesuan, 2006an, jazotako gertaera erreal bat du oinarrian filmak. Izan ere, Sinn Feineko buru Martin McGuinnessek eta Ian Paisley unionistak bidaia bat egin behar izan zuten elkarrekin. Gertaera hark historiaren bilakaeran eragin handia izan zuen ondorengo hilabeteetan. Colm Meaney eta Timothy Spallek gorpuztu dituzte bi politikariak. https://youtu.be/18ZN_lZvL7A
