Azaroaren 2tik 12ra bitartean, erresistentzia istorioak ezagutzeko aukera egongo da Hernaniko Kulturarteko Plaza Feministan. Filmen emanaldiez gain, Araks Sahakyan artista armeniarraren Nuit Blanche zauria erakusketa ere egongo da ikusgai.
20.000 especies de abejas filmaren aurkezpen birari paraleloan, Xixongo Film Laburren jaialdian aurkeztu du Cuerdas laburra Esti Urresola zuzendariak. Lehia bakarrik ez, eta Sail Ofizialeko film labur onenaren saria jaso du lanak.
Apirilaren 17tik 22ra bitartean egin dute ICOFF – Gasteizko Film Laburren Nazioarteko Festibala, eta Estibaliz Urresolaren lanak irabazi du 2023ko sari nagusia. Arabako film labur onena Artesania (David Perez Sañudo) izendatu dute, eta euskarazko film onena, aldiz, Muga (Eñaut Castagnet).
2023ko apirilaren 17tik 22ra egingo dute ICOFF – Gasteizko Film Laburren Nazioarteko Festibalaren 2. edizioa. Sail ofizialeko eta eusko-araba ataleko film laburren berri eman dute dagoeneko.
Nantesko Festival du Cinéma Espagnol jaialdia martxoaren 23tik apirilaren 2ra bitartean ospatu dute, eta euskal ekoizpenek kategoria ezberdinetan aitortzak jaso dituzte. Kowalski Filmsek ekoiztutako eta Telmo Irureta Goya saridun zumaiarra aktore duen La consagración de la primavera (Fernando Franco) obra izan garaile; film labur onena Estibaliz Urresolaren Cuerdas izendatu dute. Opera prima onena Alauda Ruiz de Azuaren Cinco lobitos ebatzi du epaimahaiak.
Zinema atalean, hiriko jaialdi garrantsitsuenen aurkezpenak egingo dituzte, eta Cinco lobitos (Alauda Ruiz de Azua) lan saritua proiektatuko dute hilaren 6an, 7an eta 8an, film labur banak lagunduta. Familia osoarentzako zinema saioak ere egingo dituzte goizetan.
Martxoaren 30era bitartean, Gipuzkoa Naturaldia ekimena gauzatuko dute lurraldeko hainbat herritan. Naturarekin lotutako ikus-entzunezko edukiak, eta bereziki, pertsonek naturarekin duten harremana islatzen dituztenak proposatuko dituzte.
Nantesko Festival du Cinéma Espagnol jaialdiaren baitan hainbat euskal ekoizpen erakutsiko dituzte martxoaren 23tik apirilaren 2ra bitartean. Festibaleko sail ofizialetan lehiatuko diren lanez gain, Etxepare Euskal Institutuaren babespean, Fenêtre Basque atalean Eukal Herrian ekoiztutako film luze eta labur onenak ezagutzeko aukera egongo da. Gainera, Euskadiko Filmategiak bultzatutako eta María Pilar Rodriguez Deustuko Unibertsitateko irakasleak koordinatutako Euskal emakume zinemagileak liburua aurkeztuko dute.
Otsailaren 15etik 17ra bitartean, Bilbon, eta hilaren 23tik 25era, Getxon ospatuko dute “zinema eta senior mundua” uztartzeko xedez antolatutako kultura-ekimena. Besteak beste, Fantasia (Aitor Merino, 2021) ez-fikziozko film luzea eta Cuerdas (Estibaliz Urresola, 2022) film labur laudatua proiektatuko dituzte.
Sevillako Andalucía Auditorioan banatu ditu Espainiako Zinemaren Akademiak 37. Goya sariak, eta Rodrigo Sorogoyenek zuzendutako As bestas thriller galiziarra izan da garaile. Ohorezko Goya Saria jasotzear zen Carlos Sauraren heriotzak guztiz baldintzatu du espainiar zinemagintzaren festa handia.
