Iragan udaberrian ospatzekoak ziren Zine eta Kultura Askeko CCDonostia jaialdia, baina COVID-19 gaitzaren agerpenak eraginda programazioa eten behar izan zuten. Bada, azaroaren 5ean, 9an, 10ean eta 11an ospatuko dute zinema eta kultura libreari gorazarre egiten dion ekimenaren 8 edizioa.
Martxan da Donostiako Zine eta Kultura Askeko Zinemaldia. Datorren azaroaren 18ra bitartean, ikus-entzunezko emanaldi eta solasaldiak izango dira nagusi Koldo Mitxelena Kulturgunean zein Liburutegi Zentraleko Jarduera Aretoan.
Datorren ostiralean, azaroak 24, aurkeztuko dituzte hilaren 27tik 30era Cine CCDonostia zinema jaialdiko sail ofizialean ikusgai izango diren filmak. Emanaldiak Koldo Mitxelena Kulturunean egingo dituzte, 18:00etan, eta sarrera doakoa izango da. Azaroaren 29ko eta 30eko saioak, gainera, streaming bidez eskainiko dituzte.
Creative Commons lizentziapean sortutako zinema sustatzeko asmoz, CineCCdonostia zinemaldia egingo dute Donostian azaroaren 16tik 20ra, Koldo Mitxelena Kulturunean eta DSS2016 gunean. Ikusleek nazioarteko film luze eta laburren sorta oparoaz gozatzeko aukera izango dute, eta horrekin batera, mahai-inguruak, hitzaldiak eta foroak antolatu dituzte, lizentzia libreen sorkuntza eta zabalkundeari buruz hausnartzeko.
Ikus-entzunezko produktuak banatzeko eta kontsumitzeko aukera berrien inguruko foroa egingo dute bihar, irailak 18, ostirala, Zuatzu Enpresa Parkeko Pi@ eraikinean Donostiako Sustapenaren, Creative Commons Zinema Jaialdiaren eta Donostiako Udalaren ekimenez. 9:00etatik 13:00etara luzatuko da.
Maiatzaren 18tik 25era gai soziopolitikoak lantzen dituzten filmak izango dira ikusgai Donostiako Koldo Mitxelena Kultunean eta Kaxilda liburu-dendan Creative Commons zinemaldiaren baitan. Oraingoz, 9 film eskainiko dituztela aurreratu dute, egitaraua behin-behinekoa bada ere. Lizentzia libreko filmak Gipuzkoako hiriburura ekartzen dituen jaialdiaren sail soziopolitikoa maiatzean egingo dute aurtengoan. Atal berezitu jakin hori prestatzen duten bigarren aldia izango da, eta orotara bost saio egingo dituzte Koldo Mitxelenan
http://youtu.be/kr3_H2E9K_U Film eskaintza zabala izango dugu, beste behin ere, ekainaren bigarren hamabostaldia abiarazten duen aste honetan. Andoaingo Basteron, esaterako, Carmina y Amen (2014) Paco Leonen lana eskainiko dute gaur, Ikuslearen Egunean, baina film historikoak eta gai korapilatsuak lantzen dituzten maisulanak izango dira ikusgai larunbatera bitarte. Segidan horietako hainbat.
http://vimeo.com/16749593 Campo Creativo Cero-k eta Donostia Kultura erakundeko zinema unitateak antolatu dute aurten lehen aldiz Donostiako Creative Commons Zinemaldia. Barau Bartzelonan egiten den zinemaldi baten kopia da, horren filosofiak horrela ahalbidetzen duelako. Hain zuzen ere, jaialdi honen helburua ez baita lizentzia askeekin egindako filmen lagina pantailaratzea. Bere arduradunek, horrez gain lizentzia mota horien inguruko hausnarketa gunea ere prestatu nahi baitute.
