Pandemia abiapuntu hartuz, zinema hedatuko proposamena ondu du Ricardo del Conde zinemagile mexikarrak. Zazpi T´erdik eta Kalakalabek ekoitzi dute site specific instalazioa, Montehermoso Kulturunearen babesarekin. Uztailaren 7tik 23ra arte egongo da ikusgai, Jovellanos aretoan.
Gipuzkoako Foru Aldundiaren Kultura Departamentuak 5.813.179 euro bideratuko ditu Covid19ak eragindako osasun krisiagatik kulturaren sektoreak bizi duen larrialdi egoerari aurre egiteko planera. Ikus-entzunezkoen alorra Lanabesa programaren bidez babestuko dute, iazko edizioko babes ekonomikoa % 26,3 handituz.
EZAE Euskadiko zinema-aretoen elkarteak salatu du Eusko Jaurlaritzak Covid19aren pandemia hasi zenetik ezarri dituen murrizketek ez dutela sektorea suspertzen lagundu. Crónica Vasca atariari adierazi bezala, 6 milioi ikus-entzule galdu dituzte azken bi urteetan. 2021ean jarrita zuen EZAEK esperantza, baina susperraldirik ez da izan. Oraindik ere gure artean den pandemia hasi zenetik 5,9 milioi ikus-entzule galdu dituztela ohartarazi du elkarteak, 35,2 milioi euro zinema-sarreretan. Latza izaten
Bingen Zupiria sailburuak Legebiltzarrean eman dituen azalpenak entzun ondoren, Hekimen elkarteko zuzendariaren arabera ezinbestekoa da Covid-19aren ondorioei aurre egiteko Jaurlaritzak emandako laguntzak gainerako euskarazko komunikabideei zabaltzea
ITXITIK: 7 begirada, 7 erretratu, konfinamendu bakarra deialdian hautatu zituzten film laburren aurkezpena egingo dute ZINEBI – Bilboko Dokumentalen eta Film Laburren Nazioarteko Jaialdiaren baitan. Zazpi dira guztira, eta horietako bi, Maider Oleagak zuzendutako Kinka eta David Perez Sañudo zinemagilearen Vatios, sail ofizialean ari dira lehiatzen. Gainontzeko bost lanak BBK Aretoan erakutsiko dituzte gaur, 17:00etan.
Covid19aren ondorioz iragan urritik itxita egon diren Zuberoako, Nafarroa Behereko eta Lapurdiko zinema aretoak gaur, maiatzak 19, zabalduko dituzte. Hamabi dira orotara, eta azken hiletan pilatutako lan andana dituzte eskaintzeko. Euskal proposamenei dagokienez, La trinchera infinita (Garaño, Goenaga eta Arregi, 2019) gaurtik aurrera eta Caminho longe (Josu Martinez, 2020) ekainean, izango dira ikusgai.
Zumaiako Udalak eta Urola Kostako Komunikazio Taldeak elkarlanean ekoitzitako eta Jon Maiak zuzendutako Zumaia, herri bat Covid19 olatuen aurrean dokumentala martxo hasieran aurkeztu zuten. Gaitzak astindu eta baldintzatutako urtea herritarrek nola bizi izan zuten bistaratzen du ikus-entzunezkoak, eta online dago ikusgai Baleikeren atarian.
Antzokiak okupatu ditzagun Frantziar estatuko mugimenduarekin bat eginez, iragan ostiraletik, martxoak 26, Baionako Michel-Portal antzokia okupatuko dute egunero dozenaka profesional zein ikuslek, urriaren amaieratik itxita dauden kultur guneen irekiera aldarrikatzeko. Ostiraletan, gainera, ekintza ikusgarriak antolatuko dituzte bertan.
Eibartarrak pandemiaren aurrean dokumentala osatu du Eibarko Etakitto agerkariak, azken hamabi hilabeteetan herritarrek bizi izandakoa jasotzeko asmoz. Dokumentalak bost lagunen testigantzak bildu ditu, eta online dago ikusgai.
Eusko Jaurlaritzaren Kultura eta Hizkuntza Politika Sailak 1,1 milioi euro bideratuko ditu kultura arloko profesionalei laguntzera. Covid19-aren ondorioz, 2020an diru-sarreretan jaitsierak izan dituzten autonomo, enpresa eta entitate profesionalei zuzendutako laguntzak izango dira, eta osasun krisiaren ondorioz iazko fakturazioak % 20ko edo gehiagoko murrizketa jasan dutela justifikatu beharko dute.
