Abenduaren 4tik 13rako BBK Mendi Film Bilbao-Bizkaia jaialdiaren 13. edizioa ate joka dugunean, bost Mendi Tour emanaldi iragarri berri dituzte azarorako. Errenterian (Niessen Kulturgunea), Amurrion (Amurrio Antzokia), Basaurin (Sozial Antzokia), Elgoibarren (Herriko Antzokia) eta Arrasaten (Amaia Udal Antzokia) egingo dituzte saioak.
COVID-19aren agerpenaren aurrean ezarritako alarma egoeraren ondorioz, bertan behera utzi zituzten martxotik ekainera bitartean programatuta zeuden Mendi Tour hitzorduak. Uztailaren 18an, aldiz, Hondarribiko Kasino Zaharreko lorategian, aire librean, berrartuko dute ekimena, 22:00etan.
Zangozan, urtarrilaren 24an eta 31n, eta Donostian, 28an eta 29an, egingo ditu lehen saioak Mendi Tour ziklo ibiltariak. Bertan, BBK Mendi Film Bilbao-Bizkaia jaialdiaren 12. edizioan saritutako lau obra eta Gipuzkoako eskalada guneen inguruko film labur bat aurkeztuko dira.
Jordan Manley kanadarrak zuzendutako Treeline (2018) filmak lortu du Nazioarteko BBK Mendi Film Bilbao-Bizkaia mendi zinemaldiko sari nagusia. Arbolak dira ardatz Columbia Britainiarra, Japonia eta Nevadako basoen edertasuna islatzen dituen filmean.
