Iñaki Arrubla zinema kritikariak festok filmetan nola irudikatu dituzten aztertuko du zine-forum saioan, gaur. Hitzaldia Civivox aretoan izango da, 19:00etan hasita, eta sarrera doakoa bada ere, bertaratu nahi dutenek aldez aurretik erreserbatu beharko dute gonbidapena.
Punto de Vista Nafarroako Zinema Dokumentaleko Nazioarteko Jaialdiak hamaseigarren edizioko hezkuntza programaren berri eman du. Publiko berriak trebatzen jarraitzeko asmoz, haurrentzako tailerrak, film laburrei buruzko saio bereziak, eta beste hainbat ekimen jasoko ditu 2022ko festibalak.
Krzysztof Kieslowski zuzendari poloniarraren lan aipagarrienak emango dituzte maiatza bitartean Iruñeko Civivox Kondestable aretoan. Martxoaren7an hasita, larunbatero film bana eskainiko dute ‘La revelación de lo trascendente. Krzysztof Kieslowski’ zikloaren baitan. Emanaldiak 19:30ean izango dira, eta sarrera librea da, gonbidapenarekin.
Aste honetan, urriaren 28ean, abiatuko dute Horror Online Art – Nafarroako Fantasiazko eta Beldurrezko Zinemaren VIII. Jaialdia. Urriaren 31ra bitarte egingo diren hiru saioetan banatu dute egitaraua, eta, generoko autoreen literatura lanetan oinarritutako filmak izango dira protagonistak.
