Urtero egin ohi duen bezala, identitate eta LGTBIQ+ kolektibo guztietako istorioak jasotzen dituzten filmen online programazioa eskainiko du uztailan Espainiar Estatuko Cervantes Institutuak. Jaialdi bilbotarraren hogeigarren urteurreneko ospakizunen harira, Zinegoak jaialditik igarotako film laburrak izango ditu oinarri.
Etxepare Euskal Institutuaren laguntzari esker, El radioaficionado (Iker Elorrieta, 2021), Maixabel (Iciar Bollain, 2021) eta Destello bravio (Ainhoa Rodriguez, 2021) erakutsiko dituzte Different! L’autre cinéma espagnol zinemaldian; Leire Apellaniz bilbotarrak eta Ion de Sosa lasartearrak ekoiztutako Espiritu sagrado (Chema Garcia Ibarra) ere egongo da ikusgai.
Ángela Molina aktore espainiarra Tabakalerara gerturatuko da abenduaren 21ean Luis Buñuel zinemagile espainiarrari eskainitako Nosferatu zikloari agur esatera. Calandako zuzendariaren Cet obscur objet du désir (1977) filmean parte hartu zuen Molinak, eta hain zuzen ere, hori da zikloari bukaera emateko pantailaratuko duten lana. Saioa 19:00etan hasiko da, eta sarrerak online eskuratu daitezke.
Cervantes Institutuak eta Espainiako Zinema Akademiak ‘Clásicos contigo’ zikloa jarri dute gaur martxan. Uztailaren 10era bitartean, espainiar zinemagintzako 11 film klasiko eskainiko dituzte doan eta online. Aukeraketan Hego Euskal Herriko zinegileen lanak ageri badira ere, ez da euskarazko lanik edo emakumeek zuzendutako pelikularik ere.
Proiektuaren hamargarren urteurrena ospatzeko asmoz, eta koronabirusaren krisialdiaren eraginez ezarritako osasun-larrialdi egoera aprobetxatuz, Erresuma Batuan zinema espainiar independentea hedatzeko intentzioz sortutako CinemaAttic plataformak eta Cervantes Institutuak CinemAttic Cuarentena | 90 cortos españoles esenciales de la última década egitasmoa jarri dute martxan. Astero-astero film laburrak ari dira ikusgai jartzen, eta tartean ekoizpen euskal herritarrak ere badaude.
Espainiar estatuko unibertsitateetako ikasleen film laburrak batzen dituen FilmNow plataformak bere katalogoa osatzen duten lanak ikusi ahal izateko ataria sortu du. Besteak beste, Euskal Herriko eta Nafarroako unibertsitateetako ikasleek filmatutako Zacarías (Violeta Trincado Murugarren, 2018) eta Camposanto (Pablo Adiego Almudevar, 2018) lanak daude ikusgai.
Euskal zinema zikloak eskainiko dituzte munduan zeharreko Cervantes zentro desberdinetan, Etxepare Euskal Institutua eta Euskadiko Filmategiarekin sinatutako hitzarmenari esker.
