51 filmek osatuko dute Bilbao Mendi Film Festival jaialdiko Sail Ofiziala

Mendia eta arriskuzko kirolak oinarri dituen Bilboko Mendi Film Festival zinema jaialdiaren 10. edizioa abenduaren 8tik 17ra egingo dute, eta Sail Ofizialean dozena bat herrialdetako 51 film lehiatuko direla iragarri dute antolatzaileek, tartean, lau euskal ekoizpen. Jaialdia Mountain (Jennifer Peedom, 2017) dokumental ikusgarriak zabalduko du Euskalduna Jauregian egingo duten Hasiera Ekitaldian.