Kultura eta Hizkuntza Politika sailak 24,5 milioi euro bideratuko lituzke sorkuntza sustatu eta talentua garatzeko. Zehazki, 5,7 milioi eurorekin ikus-entzunezkoen alorrean garapen eta ekoizpenerako deialdiak indartu nahi dituzte.
Euskadiko Filmategiak bultzatuta, eta María Pilar Rodriguez Deustuko Unibertsitateko irakasleak koordinatuta, hainbat belaunalditako euskal emakume zinemagileen jarduna errepasatuko duen argitalpena jaio da. Proiektuak “esplorazio akademiko eta dibulgatibo bat” eskainiko du, eta euskaraz zein gaztelaniaz eskuratu daiteke.
Eusko Jaurlaritzako bozeramale eta Kultura Sailburu Bingen Zupiriak Hamaika Telebistan euskarazko ikus-entzunezkoei buruz egindako adierazpenak gaitzetsi ditu Pantailak Euskaraz ekimenak. Zupiriaren “itsutasun estrategiko nabariak” eragindako kezka eta ezinegon larria salatu dituzte.
Bingen Zupiria Kultura eta Hizkuntza Politikako sailburuak hilaren 15eko Eusko Legebiltzarreko kontrol saioan iragarritakoaren arabera, Euskal Gobernuak zinema-aretoei laguntzak emateko deialdi berri bat jarriko du abian. Pandemiaren ondorioz izan den ikusleen beherakada, eta COVID hedatzearen aurka borrokatzeko hartu diren neurriak eragindako ondorio kezkagarriak arintzea izango du helburu diru poltsa berri honek.
Eusko Jaurlaritzak emandako 2020ko Gure Artea saria jaso du Laida Lertxundi sortzaile bilbotarrak. Sormen-jarduera aitortzeko modalitatean egin diote errekonozimendua, izan ere, urte luzez ikusizko arteak bultzatzen egin duen lana goratu nahi izan diote. Lertxundiz gain, Pello Irazu artistak eta Leopoldo Zugaza kultur sustatzaileak ere jaso dute saria.
Lanbidek eta Kultura eta Hizkuntza Politika Sailak ‘Kulturako profesionalei laguntzeko programa’ aurkeztu dute, COVID-19aren ondorioak jasan dituzten kulturaren arloko langileei babes ekonomikoa eskaintzeko asmoz. Aurreko urteko errenta aitorpenean aitortutako diru-sarrera garbien hileko batez bestekoaren% 70 jaso ahal izango dute.
Kultura Plana 19/22 aurkeztu du Eusko Jaurlaritzak, datozen hiru urteetarako konpromisoak jasotzen dituen ildo estrategikoa. Filmen, telesailen eta sareko edukien ekoizpenean nabarmendu dute lehentasuna.
Bertsolaritza dugu euskaldunok berezko adierazpen bidea. Bertsoa mundura zabaltzeko What is bertsolaritza? dokumental laburra sortu dute Etxepare Euskal Institutuak eta Mintzola Ahozko Lantegiak elkarlanean. Gaur, abenduaren 4an, aurkeztuko dute Donostiako Tabakalera kultur zentroan.
Aitorpen ekitaldia eskainiko dio Euskadiko Filmategiak Peio Aldazabali, filmategia beraren sortzaileari, datorren ostegunean, apirilaren 26an. Euskadiko Filmategiak 40 urte bete ditu aurten, eta Kimuak egitasmoak 20; efemeridearen harira antolatutako egitarau bereziaren baitan kokatuko da omenaldia.
Gipuzkoako Foru Aldundiak hauspotu duen Euskarazko Ikus-entzunezkoen Laborategiaren aurkezpena egin dute gaur Tabakalerako patioan, eta Bingen Zupiria Eusko Jaurlaritzako Kultura eta Hizkuntza Politikako sailburuak, Markel Olano Gipuzkoako Foru Aldundiko diputatu nagusiak eta Eneko Goia Donostiako alkateak hartu dute parte saioan. Mondragon Unibertsitateko eta Goiena Komunikazio Taldeko Amaia Pavónek eta Iban Arantzabalek, hurrenez hurren, aurkeztu dituzte laborategiaren diseinuaren eta gauzatzearen inguruko datuak.
