ICAAk 2022rako film laburren sortak eta luzeak banatzeko laguntzen deialdia argitaratu du. Orotara, 4.000.000 €-kozenbatekoa izango du dirulaguntza poltsak, eta martxoaren 18ra bitartean gauzatu ahalko dira eskaerak.
Euskal Zine Bileraren baitan (He)emen Gaude topaketa antolatuko dute bihar, azaroaren 27an. Saioa 12:00etan izango da, Lekeitioko Kultur Etxeko Azkue aretoan, eta online jarraitzeko aukera ere dago. EHUko ikerlaria eta Gastibeltzako kide den Graxi Irigay, Euskaltzaleen Topaguneko Joahana Olabarria eta Barton Filmseko María Jesús Diez Sota arituko dira hizketan, eta lanetan Olatz Beobide (H)emen elkarteko lehendakarikidea izango da moderatzailea.
Zinematografia eta Ikus-entzunezko Arteen Institutuak (ICAA), 2020.urterako Espainiar, Iberoamerikar eta komunitateko film luzeen eta film laburren bildumak banatzeko laguntzen deialdia zabaldu du. 20 egun naturaleko epea izango da proiektuak aurkezteko, deialdia Estatuko Aldizkari Ofizialean argitaratu unetik.
Europako Batzordeak kultura eta ikus-entzunezkoak babesteko garatutako programa da Creative Europe, eta honen baitan, MEDIA izeneko azpiatalak, film eta ikus-entzunezkoen garapena, banaketa eta zabalkundea sustatzeko laguntzak eskaintzen ditu. Bada, 2019-2020ko deialdiak zabaldu dituzte, eta aldaketak egin dituzten hainbat ataletan.
Zinema Eraikitzen sailaren 36. edizioan proiektuak aurkezteko epea ireki dute jada. 2019ko irailaren 23an, 24an eta 25ean antolatuko da ekimena, Donostia Zinemaldiaren egitarauaren baitan, eta ekainaren 30era arte luzatuko da lanak bidaltzeko aukera.
Anaiz Aguirre Olhagaray Gabarra Films banaketa etxeko kidea da. Urte hasieran hasi zen bertan lanean, baina proiektuak 2013an du iturburua, Baionako Atalante zinema euskal filmak Ipar Euskal Herrian eta Frantzia osoan banatzeko aukera lantzen hasi zenean. Egun hamar zinema-gelak osatzen dute Ipar Euskal Herriko aretoen sarea, eta iaz Amama (Asier Altuna, 2015) filmak izandako arrakastaren ondotik, Kalebegiak (Askoren artean, 2016) banatzen ari dira orain, ekainera bitarte.
https://youtu.be/IbyLWzBLLf8 Qu’st-ce qu’on a fait au Bon Dieu? (Philippe de Chauveron) film frantziar arrakastatsua banatzeagatik 87.800 euro emango dizkio ICAA Zinematografia eta Ikus-entzunezko Arteen Institutuak A Contracorriente Films ekoizpen etxearentzat, eta laguntza berezien artean, Navarra Cineri emango diotena da aipagarriena, Ocho apellidos vascos filma zinema aretoetara helarazteagatik.
