Euskal ordezkaritza nabarmena, L’Alternativa jaialdian
Mikel Gurreak zuzendutako Suro lanak irekiko du zinema independentea goratzeko asmoz Bartzelonan gauzatu ohi den zinema festibalaren 29. edizioa.
Euskal Herriko 15 ekoizpen erakutsiko dituzte Nantesen
Nantesko Festival du Cinéma Espagnol jaialdiaren baitan 15 euskal ekoizpen erakutsiko dituzte martxoaren 8tik 20ra bitartean. Festibaleko sail ofizialetan lehiatuko diren lanez gain, Etxepare Euskal Institutuaren babespean, Fenêtre Basque atalean Eukal Herrian ekoiztutako film luze eta labur onenak ezagutzeko aukera egongo da, tartean, Kimuak bildumako lanak edota Hondar ahoak telesaila.
Zinegoak jaialdiko euskal film laburrak, Lekeition ikusgai
Bilboko Zinegoak – LGTBI+ Zinema eta Arte Eszenikoen jaialdiarekin elkarlanean, euskal film labur berrienen lagina izango da ikusgai Lekeition, martxoaren 4an, 19:00etan, Ikusgarri Aretoan. Proiekzioaz gain, Bilbotik zuzeneko konexioa egingo dute filmen egileekin solasteko.
Fas Zineklubak Martxoko egitaraua ezagutarazi du
Bilboko FAS Zineklubak 2022ko martxoko zinema eskaintza iragarri du. Ohi bezala, El Carmen aretoan egingo dituzte emanaldiak, eta klasikoak, film garaikideak eta euskal zinemagileen film laburrak erakutsiko dituzte.
Badator Euskal Zinemaren Astearen 38. edizioa
Vital Fundazioak antolatuta, 38. Euskal Zinemaren Astea otsailaren 21etik 26ra bitartean ospatuko dute, Gasteizen. Emanaldiak 19:30ean izango dira, eta saio bakoitzean film labur eta luze bana proiektatuko dute. Ostean, zuzendari, aktore edo lan-taldeetako kideekin solasaldik egongo dira.
KIMUAK 2021 aukeraketako lehen emanaldi publikoak egingo dituzte
KIMUAK 2021 katalogoan hautatu dituzten film laburren lehenengo emanaldi publikoak egingo dituzte datozen egunetan. Urtarrilaren 20an, Gasteizen; hilaren 21ean, Donostian; eta hilaren 22an, Bilbon, fikzio, lan-dokumental, animazio eta genero esperimentaleko zortzi lanak proiektatuko dituzte.
16.500 ikus-entzule izan ditu ZINEBIren 63. edizioak
ZINEBI – Bilboko Dokumentalen eta Film Laburren Nazioarteko Jaialdiak 63. edizioko balantzea egin du. Astebetean, 41 herrialdetako 123 film erakutsi dituzte programazioaren sail desberdinetan, eta 16.500 ikus-entzule izan dituzte, iazko ikusle-kopuruaren bikoitza.
‘Noth Pole’ fikziozko film laburrak irabazi du ZINEBI63ko sari nagusia
ZINEBI – Bilboko Dokumentalen eta Film Laburren Nazioarteko Jaialdiak aditzera eman du 63. edizioko irabazleen zerrenda. Marija Apcevskak zuzendutako Noth Pole film laburrak jaso du festibaleko sari nagusia, eta eta Mel Arranzen Azaletik azalera animazioko sorkuntza izendatu dute euskal film labur onena. Zinebi Fist Film sailean, berriz, Rock Bottom Riser (Fern Silva) dokumentala gailendu da.
ZINEBI63: Kriston martxa dabil!
Nabari da hasi direla egunak laburtzen. Hotza gorpuztean sartu zaigu dagoeneko, eta eztul-zaparradak entzuten ditugu non-nahi. Hilabete falta bada ere, jarri du Bilboko Udalak Gabonetako zuhaitza, eta hiria oraindik itzalita dauden argi eta apaingarriz aurkitu dugu. Azaro bete-betean, aurpegi/sudur gorriak ezkutatu ezinik batzuk, jakak kenduta “oraindik bero egiten du” esanez besteak, Arriaga Antzokiko harrera-gelan elkartu gara zinemazaleak. Halaxe ekin dio, urtero legez, ZINEBI – Bilboko
Kimu berriak, udazkenaren atarian
Fikzioa, dokumentala, animazioa eta genero esperimentala izango dira nagusi KIMUAK egitasmoaren 2021eko katalogoan. Iaz baino gutxiago, baina kalitaterik galdu gabe, 47 lan aurkeztu ziren deialdira, eta horien artean zortzi aukeratu ditu epaimahaiak programaren bidez nazioarteko jaialdi eta ikus-entzunezko ekimenetan zabaltzeko. Ohi bezala, Donostia Zinemaldiko lehen larunbatean egin dute euskal laburgintzan ernatu diren kimu berrien aurkezpena. BERAK BALEKI (Aitor Gametxo) Martinek ilusioz betetzen du egunero
