Lumière Institututik igarotako film garrantzitsuenak biltzen dituen Lumière Emanaldien hitzordu berri bat egingo dute egunotan Hego Euskal Herriko hiriburuetan. Wim Wenders alemaniarraren Alice in den städten (1974) izango da ikusgaiu Gasteizko Artium Museoan, Donostiako Tabakaleran, Bilboko Arte Ederren Museoan eta Iruñeko Golem Baiona aretoan.
Euskadiko Filmategiaren ekimenez, Jazzinema zikloaren bosgarren ekitaldia egingo dute uztailean zehar Donostiako Tabakaleran eta Bilboko Arte Ederren Museoan. Zinemaren eta jazzaren arteko harreman ezin hobez gozatzeko aukera eskaitzen duten zazpi lan proiektatuko dituzte orotara, iazko ezinbesteko geldialdiaren ostean.
Euskal kultura eta sorkuntza garaikideari Quebecen leiho bat irekitzea eta, era berean, Quebeceko sortzaileen lana Euskadin erakustea du helburu 2021 eta 2022 urteetan Quebeceko eta Euskadiko hiri nagusietan garatuko den programa kultural eta artistikoak, eta lehen mugarria Euskadiko Filmtegiak Cinémathèque Québécoisen laguntzarekin ondutako zinema zikloa izango da, apirilaren 1etik aurrera.
Abenduaren 19tik urtarrilaren 3ra egingo dute Bilboko Arte Ederren Museoan Zinetxiki Zinemaldiaren 5. edizioa. Bi, lau, sei ala zortzi urtetik gorako haurrei zuzendutako hamabi saiok osatuko dute egitaraua, eta gonbidapenak eskuragai daude museoaren webgunean.
Euskadiko Filmategiak Éric Rohmerri eskainitako ziklo batekin ekingo dio berriro programatzeari. Guztira 11 film proiektatuko dira, 2020ko urritik abendura bitartean, Donostiako Tabakaleran eta Bilboko Arte Ederren Museoan.
Martxoaren 10etik 29ra bitartean egiten ari diren Loraldia festibala hamaika kultura-proposamen eskaintzen ari da Bilbon, eta diziplina anitzeko jardueren artean zinemak ere badu tartetxoa. Hilaren 24an, Maider Oleagaren Muga deitzen da Pausoa (2018) dokumentala eta Josu Martinezek zuzendutako Anti (2019) film laburra emango dituzte doan, Arte Ederren Museoan.
Euskadiko Filmategiaren programazio zinematografikoak bere errekorra hautsi zuen 2019an Donostiako (Tabakalera) eta Bilboko (Arte Ederren Museoa) egoitzetan. Guztira, 12.289 ikusle gerturatu ziren antolatutako 95 emanaldietara.
