Espainiako Gobernuak bultzatuta, asteartean, hilaren 11n, jarriko dute martxan 65 urtetik gorakoei astean behin zinemara 2 euroren truke joateko aukera emango dien neurria. Hego Euskal Herriko Euskal 35 zinema-aretok egin dute bat neurriarekin.
Datorren uztailaren 1ean, larunbatean, abiatuko dute Euskal Autonomi Erkidegoko eta Iberoamerikako filmen kopiak zinema-aretoetan sartzeko laguntzak emateko deialdiaren bigarren zatiko eskaerak aurkezteko epea. Hamabost egunez aurkeztu ahal izango dira eskaerak, hilaren 15era bitartean.
Espainiar estatuan nagusi den CINESA zinema-aretoen konpainiak harpidetza bidezko hileko tarifa finkoa jarriko du martxan apiriletik aurrera. Bazkideek nahi adina film ikusi ahalko dituzte, estreinaldiak barne.
2020an, EAEko eta Iberoamerikako filmen kopiak zinema-aretoetara iritsi daitezen bermatzeko diru laguntzen ildoa ezarri du Zineuskadi elkarteak. 240.000 euroko diru poltsa atondu dute, eta bi fasetan banatuko da.
BBK Mendi Film Bilbao-Bizkaia nazioarteko mendiko zinema jaialdiaren 12. Edizioa “oso datu onekin” itxi dute iragan asteburuan. 10 egunetan 12.360 ikusle bildu ditu aretoetan, urteroko gorakadari segida emanez, eta antolakuntza oso pozik agertu da, zenbakiez harago, eskaini ahal izan den zinema eta ekitaldien kalitatearekin.
Martxan jarri du Zineuskadik EAEko merkataritzako aretoetan eta zirkuitu alternatiboetan euskarazko filmen estreinaldiak bultzatzeko laguntzen lehen deialdia. Eskaerak aurkezteko epea martxoaren 31an amaituko da, eta ebazpena, beranduenez, apirilaren 8rako emango da. Ondoren, beste hiru deialdi luzatuko dira maiatzean, abuztuan eta azaroan. Laguntza ikus-entzunezko sektorearekin lotutako edozein enpresa, profesional edo elkartek jaso ahalko du, eta proiektu bakoitzari ematen zaion laguntzak ezingo du gastuen %100a gainditu. Bestetik,
