Bilboko Zinegoak – Gaylesbitrans Nazioarteko Zinema eta Arte Eszenikoen Jaialdia otsailaren 24tik martxoaren 8ra bitartean ospatu berri dute. Ohiko programazioaz gainera, jauzi kuantitatiboa egingo dute, eta, Bilbon ez ezik, 60 udalerritan ere proiektatuko dituzte zinemaldiak jaso dituen ikus-entzunezkoak.
Mendi Tour zikloak Gasteizen egingo du lau eguneko egonaldia. Otsailaren 17an, 19an, 20an eta 21ean saio bikoitza egingo dute (18:00etan eta 20:15ean) Vital Fundazioa Kulturgunean. Bertan, BBK Mendi Film Bilbao-Bizkaia jaialdiaren 12. edizioan saritutako bost pelikula emango dituzte, besteak beste.
Hamazazpigarrenez Zinemaren Jaia ospatuko da datozen egunetan Araba, Bizkaia, Gipuzkoa eta Nafarroako zinemetan. 2, 90 €-ko prezioan salduko dizkiete sarrerak ekimenaren webgunearen bitartez akreditatzen diren ikusleei.
Mendia, abentura eta arriskuzko kirolak ardatz dituen Bilbao Mendi Film jaialdiak hamargarren edizioa ospatu zuen joan den abenduan. Ekitaldia urte osoan zehar zabaltzearen apostua egin zuen orain urte batzuk antolakuntzak, eta, hala, martxoa Mendi Tour hilabetea izendatu dute. Festibaleko ale onenak, mendiko zinemagintzako alerik gaurkotuenak alegia, ikusteko aukera zabala eskainiko da Gipuzkoa, Araba, Bizkaia, Val d’Aran eta Asturiasko hainbat herritan.
