Euskal Aktoreen Batasunak (EAB) urriaren 11an eman ditu urtero-urtero banatzen dituen Euskal Aktoreen Besarkada Sariak. Donostiako Antzoki Zaharrean egin dute ekitaldia, eta Patricia López Arnaiz zein Urko Olazabal izendatu dituzte zinema arloko aktore onenak, Ane (David Perez Sañudo, 2021) et Maixabel (Icíar Bollaín, 2021) filmetan egindako lanak errekonozituz.
Euskal Aktoreen Batasunak (EAB) urriaren 11an emango ditu urtero-urtero banatzen dituen Euskal Aktoreen Besarkada Sariak. Dagoeneko iragarri dituzte Donostiako Antzoki Zaharrean egingo duten ekitaldian errekonozimenduak jasotzeko hautagai diren profesionalak, eta irabazleak bozkatzeko aukera irailaren 19tik urriaren 2ra egongo da.
Emakumezko aktore onenaren Emmy saria jasotzeko hautagaitza eskuratu du Ane Gabarain aktore donostiarrak. Azaroaren 22an egingo dute sari-banaketa ekitaldia New Yorken, eta Valeria Betucelli argentinarra, Menna Shalaby egiptoarra eta Haley Squires britainiarra izango ditu lehiakide.
2021eko sari-banaketa denboraldia hasi da dagoeneko, eta nola gainera. Urtarrilaren 16an, larunbata, banatu dituzte Forqué Sariak, Madrilen, eta euskal aktoreak izan dira 26. edizioko protagonista nagusiak. EGEDAk Ane filmean parte hartu duen Patricia López Arnaiz izendatu du emakumezko aktore onena; Elena Iruretari, berriz, Patria telesailean egindako lana goraipatu diote.
Pablo Agüeroren Akelarre eta David P. Sañudoren Ane dira, besteak beste, datorren otsailaren 8an Madrilen banatuko dituzten Espainiako Zinema Berriemaileen Elkartearen Feroz sariak eskuratzeko euskal hautagaiak. Aktoreen artean, Amaia Aberasturi (Akelarre) eta Patricia López Arnáiz (Ane) ere ageri dira.
Espainiar estatuko zinemagintza sustatzea helburu duten Forqué Sarien 26. edizioa datorren urtarrilean egingo dute, eta hamar kategorietako hautagaien berri eman dute asteburuan. Horien artean badira hainbat euskal ekoizpen, hala nola, Pablo Agüeroren Akelarre eta Natxo Leuzaren El Drogas.
Zinemaldiak utzitako arrastoaz libratu ezinik, zazpigarren artearen maitaleek hitzordu saihestezin berri bat dute Donostian. Oraingo honetan film laburrekin, eta Kristonkino ikus entzunezko fikziozko kolektiboaren eskutik: Urriaren 10etik 12ra arte ospatuko dute Donosskino jaialdia.
