Hitzordu berri bat proposatu berri dute Bagera Donostiako Euskaltzaleen Elkarteko zineforumaren arduradunek otsailean. Otsailaren 10ean, asteazkenean, Yolanda Mazkiaran altsasuarraren Anderea (2020) izango da ikusgai.
Bagera Donostiako Euskaltzaleen Elkarteak abenduaren 17an egingo du hileko zineforum emanaldia, eta urtea amaitzeko Michel Ocelot zinemagile frantziarrak 2018an aurkeztu zuen Dalili Parisen (Dilili à Paris) animaziozko drama eskainiko dute Lugaritz Kultur Etxean, 17:00etan. Filmazpit ekimenaren babesarekin, euskarazko azpidatziekin izango da ikusgai.
Bagera Elkartearen zineforumak Kuraiosa dokumentalaren proiekzioa eta solasaldia eskainiko ditu Donostiako Koldo Mitxelenan urtarrilaren 14an, asteartea, 18:30etan. Saioa Ander Gisasolak gidatuko du eta Nora Alberdi dokumentalaren egilea izango dute gonbidatu.
1972az geroztik, astean behin, zinema areto komertzialetara heldu ez diren filmak eskaintzen ditu Kresala Zineklubak Gipuzkoako hiriburuan. Astelehenero batzen dira, azken denboraldietan, Gros auzoko Trueba zineman, eta ehun bat laguneko taldeak gozatzen du ikus-entzunezkoaz zein ondorengo solasaldiaz. Bada, proiektuaren atzean dagoen lan-taldean hainbat aldaketa izan dira berriki, eta Paul Ormaetxea, Ander Gisasola eta Leire Egaña dira egitasmora batu diren kide gazteetako hiru.
“Kresala Zineklubean hausnarketa prozesu batean murgildu gara 2019an. Prozesu horren ondorioetako bat izan da beste elkarte eta zineklubekin elkarlanean aritzearen garrantziaz jabetzea”. Hain zuzen, horiek sendotzeko prestatu dute Euskal Herri mailako lehen zineklub topaketa.
