Kristina Zorita EiTBko kazetaria, Miren Iza konpositore eta abeslari ezaguna eta Xabier Erkizia soinu artista, ikertzaile independente, ekoizle artistiko eta komisarioa izango dira 2024ko AMUA musika film laburren jaialdiaren epaimahaikideak. Azaroaren 14tik 16ra bitartean ospatuko dute festibalaren laugarren edizioa, Hondarribian.
Zinemaren eta musikaren arteko lotura naturala sendotzeko asmoz jaiotako AMUA festibala ospatu dute asteburuan. Sail Ofizialean lehiatu diren 10 film laburren artean, . Pablo Bautistak zuzenduriko Canciones de verano izan da garaile.
Iragan abuztuaren 30ean egin zuten Tabakaleran sortu berri dituzten K Sarien aurkezpen-ekitaldia. Zinekluben eta zinema jaialdien arteko elkarlanetik ernaldu den proiektuak lehen urratsa egin du asteburuan, Animadeba festibalean Noah Macuhly estatubatuarraren Mouse lanari eman baitioten garaikurretan lehena, eta Donostia Zinemaldiarekin elkarlanean, Zineklubak eta Zinemaldiak: iragana, oraina eta geroa topaketa egingo dute irailaren 23an, jaialdiko azpiegituretan.
Zinekluben eta tokiko zinema jaialdien lana zabaltzea eta elkarlana sustatzea helburu duten K Sarien aurkezpena egin zuten atzo, abuztuak 30, Tabakalerako Kutxa Kultur Gauak programazioaren baitan. Ekimenaren atzean dauden zineklub eta jaialdietako ordezkarien mahai-inguruak zabaldu zuen saioa, eta hiru helburu finkatu zituzten: zinemaren agenteen arteko elkarlana indartzea, zinemagintzen aniztasuna gizarteratzea, eta zinekluben zein jaialdien lana bistaratzea.
Donostiako Kresala Zineklubaren ekimenez eta Azkoitiko Zinetogram, Beasaingo Goieniz eta Urretxu-Zumarragako ButaK 21 zineklubekin lankidetzan, K Sariak sortu dituzte. Zinekluben eta zinemaldien arteko elkarlanaren emaitza dira, eta Gipuzkoako bost zinema jaialditan banatuko dituzte aurrerantzean.
