Jon Garaño eta Aitor Arregi Migel Joakin Eleizegi ‘Altzoko Handia’-ren bizitzari buruzko filma osatzen ari dira. Lana posprodukzio fasean dago, berriki soinu banda grabatzen izan baitira Bratislavan Pascal Gaignerekin, eta aste honetan bi berri garrantzitsu jakinarazi dituzte: batetik, filmaren estreinaldi-data, urriaren 20a. Eta bestetik, izenburuak izandako aldaketa, aurrerantzean Handia izango baita (Aundiya beharrean).