Bilbo zein Iruñeko GOLEM exibidoreek areto bat eskainiko diete, uztailean eta abuztuan zehar, denboraldian zehar estreinatu diren eta pantaila handian eta jatorrizko bertsioan berriz ikusteko aukera merezi duten film interesgarrienei. Guztira 24 titulu jatorrizko bertsioan azpitituluekin, hirunaka txandakatuz joango direnak, sei egunean behin, ordutegi desberdinetan.
Gaur, uztailak 22, hasi eta datorren asteartera arte, uztailak 27, Telmo Esnal zinemagilearen proiektu berriena, kontzientzian eta itsasoan sakontzen duen Urtzen collage zinematografikoa, eskainiko dute Iruñeko Golem Yamaguchi zinemetan, Udako Golem programazioaren baitan. Bilbon, aldiz, abuztuan izango da ikusgai.
Uztailaren 9etik irailaren 3ra bitartean udako zikloa egingo dute Bilboko Golem zinemetan. Jatorrizko hizkuntzan eta azpitituluekin eskainiko dituzte filmak, eta sarrera bakoitzak 5 euro balio ditu (4,80 euro online erosiz gero). Iruñeko Golem Yamaguchi zinemetan, aldiz, zikloa abuztuaren 28an bukatuko dute.
Azkuna Zentroak antolatuta, Juan Antonio Bardem (Madril, 1922) zinegile ospetsuari buruzko filmak proiektatuko dituzte Bilboko Golem zinemetan. Bost egunetako zikloa izango da, martxoaren 14an hasi eta apirilaren 5era arte, eta guztira zortzi film eskainiko dituzte.
Bizikidetza eta topagunerako plaza irekia da Zinexit, ikus-entzunezko ekoizpenen bidez, norbanakoen ametsak, iritziak eta galderak plazaratzeko eta partekatzeko aukera ematen duen jaialdia. Seigarren edizioa egingo dute egunotan Bilboko Alhondigan, eta bost film eskainiko dituzte orotara.
https://youtu.be/ElqcWe2qRMU Theo Angelopoulos greziar zinegile, gidoigile eta ekoizlea, XX. mendeko Europako zinegile handienetakoa, 2012an zendu zen ustekabean, eta ezin izan zuen beren azken lana amaitu. Bada, Bilboko Alhondigako Azkuna Zentroak hiru hileko zikloa eskainiko dio bihartik hasita.
Gaur, irailak 28, hasi eta igandera bitarte, iragan asteko Donostia Zinemaldian aurkeztu zituzten zazpi film eskainiko dituzte Bilboko Azkuna Zentroan. Besteak beste, Asier Altunaren Amama, Ben Sharrocken Pikadero eta Hirokazu Koreedaren Umimachi diary izango dira ikusgai.
Egin salto! Ikus-entzunezkoaren beste mapa bat zikloa aurkeztuko du Bilboko Azkuna Zentroak irail eta urri hasieran. Zirkuitu komertzialetik kanpo aritzen diren euskal zinegileen lanak erakustea du helburu, eta besteak beste, Koldo Almandoz, Maria Elorza eta Lander Camareroren lanak proiektatuko dituzte.
Victor Erice zinegileari eskainitako zikloa egingo dute Bilboko Azkuna Zentroko Zinematekan ekainaren 17tik uztailaren 9ra. Besteak beste, El espíritu de la colmena (1973), El sol del membrillo (1992) eta La norte rouge (Soliloquio) (2006) izango dira ikusgai.
Atzo abiatu zuten Bilboko Alhondigan Roberto Rossellini zinegile italiarrari buruzko Viva Rossellini! zikloa. Hilaren 16ra bitarte, Europako zinemagintza modernoaren aitatzat hartua den zuzendariaren 18 film proiektatuko dituzte.
