Iruñean, Gasteizen, Irunen eta Donostian proiektatu ostean, Bizkaia aldean erakutsiko dute Jon Mikel Fernández Elorzek eta Imanol ‘Kima’ Arzuagak sustatutako Bi arnas dokumentala. Bilbon, Algortan eta Durangon egingo dituzte emanaldia, hurrenez hurren.
Martxoko ostegun eta igandeak zinemari eskainiko dizkiote Getxoko Algorta auzoan, izan ere, San Nikolas plazan dagoen Muxikebarri Arte, Kultura eta Kongresuen Zentroan haur eta helduentzako zineforumak egingo dituzte. Film labur zein luzeak pantailaratu eta industriako profesionalek gidatutako debateak antolatuko ditu Zinebarri zineklubak.
2019ko martxoaren 20tik apirilaren 13ra egingo dute Laburbira, Euskaltzaleen Topaguneak bultzatutako euskal film laburren zirkuitu ibiltaria. Ikusgai izango diren 9 ikus-entzunezkoak ezagutu genituen urtarrilean, eta emanaldiak jasoko dituzten 35 herriak zein horien egutegia zabaldu dituzte gaur.
Heldu zein umeentzako filmak proiektatuko dituzte Azebarri Kulturguneak antolatuta, Algortan. Iragan asteazkenean ekin zion “zinemaren txokoak” auzo getxoztarrean, eta urrira arte luzatuko dute ekimena.
