Irango zinemari eskainitako sail berezia izango du aurrerantzean NIFF – Nafarroako Nazioarteko Zinemaldiak. Irailaren 19, 20 eta 21ean Iruñean ospatuko da, eta hasiak dira dagoeneko seigarren edizioa izango denaren ezaugarriak aletzen.
Iazko hitzorduaren arrakastari jarraipena eman asmoz, Networking – Gosari Topaketaren saio berri bat antolatuko du Basque.Audiovisual. markak Donostia Zinemaldiaren 72. edizioan. Quebeceko, Kantabriako, Kolombiako eta Brasilgo ordezkaritzak gonbidatuko dituzte bertara.
Apika Audiovisual Project Lab ekimenak bere laugarren edizioan parte hartuko duten sei proiektuak aurkeztu ditu. Iragan martxoaren 22ra arte egon zen zabalik Arabako Ikuzentzunezko Ekoizle Burujabeen Elkarteak antolatutako laborategiaren deialdia.
Teknologia berriek eta mugikorrek adin txikikoei eskaintzen dizkieten aukera eta mehatxuak aintzat hartuko dituzten iragarkiak izango dira EUSPOT – Euskarazko Spot Lehiaketako 13. edizioaren ardatza. Erantzun bikaina izan du deialdiak, guztira 87 lan aurkeztu dituztelarik: horien artean, 18 urtetik beherakoek eginiko 60 lan jaso dira eta 18 urtetik gorakoek eginiko 27 lan.
Gasteizko Udalak Gazte Sortzaileak deialdia jarri du abian, euskarazko kultur sorkuntza sustatzea helburu duen lurraldeko 16 eta 35 urte bitarteko gazteei zuzendutako sormen-beka. Uztailaren 15a bitarte aurkez daitezke proiektuak.
Dokumental musikal berrien aukera zainduaren bidezko ikus-entzunezko bidaia proposatuko du Amua AMUA MUSIKA-FILM zikloaren bigarren edizioak. Hainbat hilabetez luzatuko da programazioa, otsailetik ekainera bitartean.
Gipuzkoako Foru Aldundiko Kultura Departamentuak eta KMKk zinemagintzako ikasleentzat eta zinemazaleentzat diseinatutako Zinemagileen arteko Elkarrizketak programaren bi saio berri eskainiko dituzte otsailean, gaur lehena eta hilaren 27an bigarrena. Victor Iriarte, Carlos Muguiro, Elena Martin, Laura Ferres eta Javier Macipe izango dira profesional gonbidatuak.
Banaketa arazoak medio, birprogramatu egin dute Gasteizko Orbain Kultur Elkarteak biharko prestatua zuen emanaldia: Who The Fuck Is That Guy? The Fabulous Journey Of Michael Alago (Drew Stone, 2021) lana beharrean, Fantastic machine (2023) filma proiektatuko dute azkenean,19:00etatik aurrera.
Zinema eta Zientzia zikloaren zazpigarren edizioak dilema zientifiko sakonenetan murgiltzea proposatuko du, urtarriletik martxora bitartean, Gasteizen, Donostian, Bilbon, Iruñean eta Donibane Lohizunen egingo dituzten hamar emanaldietan. Oppenheimer (Christopher Nolan, 2023) film arrakastatsuak zabalduko du zerrenda.
Frankismoaren aurka altxatu ziren abadeak zigortzeko sortutako munduko apaiz kartzela bakarrari buruzko dokumentala Sense Ficció programaren baitan emango dute, urtarrilaren 9an.
