Elkarrekin Sortzen taldeko 9 zinemagileek eta Tamara Lucarini gidoilari eta zuzendariak, Gela bat norberarena egoitza-artistikoan hautatutako zinemagileak, garatutako proiektuak aurkeztuko ditu Etxe Betea jaialdiak datorren asteartean, maiatzaren 19an. 10:00etik aurrera finkatu dute hitzordua, BBK Kunako Ganbara aretoa.
Crossover festibalak, EITBko PRIMERAN plataformarekin lankidetzan, Desagertuta euskal thrillerraren aurrestreinaldia programatu du. Maiatzaren 19an, astelehena, Donostiako Victoria Eugenia Antzokian egingo dute emanaldi berezia, eta euskaraz eta gaztelaniaz aldi berean grabatua izan den euskal fikzioaren lehen bi atalak proiektatuko dira.
Europa Creativa Desk MEDIA Euskadi bulegoak euskal profesionalei zuzendutako online aurkezpen bat antolatu du, Erich Pommer Institut erakundearen prestakuntza-eskaintzaren berri emateko. Datorren ekainaren 5ean egingo dute hitzordua, 10:00etatik 11:00etara.
Nazioarteko ekoizle eta irrati-telebista publikoetako ordezkari nagusiak bildu dituen INPUT konferentzia ospatu berri dute Bilbon, maiatzaren 3tik 7ra bitartean. Bertan, Unai Iparragirre ETBko zuzendariak enteari buruz egindako adierazpenak salatu ditu Aldatu Gidoia egitasmo euskaltzaleak.
Euskal Emakume Egileentzako Film Laburren Gidoi Lehiaketaren sariketa-ekitaldia ospatu dute asteburuan, iCOFF- Gasteizko Film Laburren Nazioarteko Jaialdiaren baitan. Hiru finalistak aurkeztu zituzten bertan: Desakonpasatua (Aroa Fernandez), Lezie (Itziar Hormilla) eta La Singularidad (Anny Estrada), eta azken hau izendatu zuten irabazle.
Irailaren 8tik 12ra bitartean ospatuko dute zinemaldiaren zazpigarren edizioa. Maiatzaren 15era arte egongo da zabalik filmak sail orokorretan inskribatzeko deialdia, eta ekainaren 15era arte luzatu dute CortoJoven atalarena.
Asier Urbieta zinemagile errenteriarrak “mugen absurdoaz” hitz egin du bere opera priman. 10.000 ikusletik gora bildu ditu filmak Espainiar Estatuko zinemetan, eta 2.500 pertsona baino gehiagok babestu dute Ipar Euskal Herrian.
Iragan apirilaren 26an bete zuen lehen urteurrena MAKUSIk, EITB taldearen haur eta gaztetxoentzako euskarazko streaming zerbitzuak eta unibertso digitalak. Eta ondo ospatu ere: orotara, 840.000 ordu kontsumitu dituzte haur eta gaztetxoek, euskaraz; eta 48.000 harpidedun baino gehiago ditu plataformak.
Apirilaren 29an deialdia itxi ondoren, Euskal Emakume Egileentzako II. Film Laburren Gidoi Lehiaketa bere fase erabakigarrian sartu da. Euskal ikus-entzunezkoen munduan erreferentziazko hiru profesionalen esku egongo da ebazpena, Izaskun Arandia, Tamara García Iglesias eta Maider Oleaga, eta irabazlea ICOFF-Gasteiz jaialdiaren sari banaketa ekitaldian iragarriko dute, maiatzaren 10ean.
Zinemagile gasteiztarrak iragan martxoaren 28an estreinaturiko Una Ballena (2025) thrillerraren sortze-prozesua izango du hizpide. Saioa maiatzaren 8an egingo dute, 19:00etatik aurrera, Donostiako Tabakaleran. Aurrez, 17:00etan, filma ikusteko aukera izango da.
