Victor Cabaco zuzendariaren Vitoria, 3 de marzo filmak lau sari jaso berri ditu Apuliako Nazioarteko Zinema Jaialdian (Italia): film onena izendatzeaz gain, Amaia Aberasturiri eta Ruth Diazi emakumezko aktore nagusi zein taldeko aktore onenen errekonozimendua eman diote, eta Alberto Berzalek jaso du taldeko gizonezko aktore onenaren saria.
Maiatzaren 1ean, Langileen Nazioarteko Egunaren sinbolismoaz baliatuz, estreinatuko dute Hego Euskal Herriko zinema-aretoetan Victor Cabaco zuzendariaren Vitoria, 3 de marzo filma. Horren aurretik, Gasteizko hiritarrei eskainitako aurrestreinaldi saio berezi bat egingo dute otsailaren 28an.
1976ko martxoaren 3an Gasteizen jazotako gertakari historikoak kontatuko dituen Vitoria, 3 marzo dokumentala errodatzen hasi dira Arabako hiriburuan. Grabaketak bost edo sei astez luzatuko dira, eta Gasteizen filmatuko dute osorik. Victor Cabacok zuzendutako filmeko zenbait sekuentziatan boluntarioen laguntza beharko dute, eta izena emateko deialdia zabalik da jada.
