Zinebi eta FANT jaialdietako azken edizioetatik igarotako lanez osatutako doako zinema saioak atondu dituzte egunotan Bilbon. Basurto eta Zorrotza barrutietako Udaltegietan egingo dituzte emanaldiak, maiatzaren 15tik 31ra bitartean.
Haurrek eta familiek gozatzeko moduko ekimena iragarri dute beste urte batez Zineuskadik, EiTBk eta EZAEk ekarlanean. Abenduaren 26tik urtarrilaren 4ra bitartean ospatuko da VI. Zinegabonak, iaz baino emanaldi, zozketa eta ikastaro gehiagorekin.
Tinko Euskara elkartea eta Irudi Biziak taldearen ekimenez, Zinema Euskaraz egitasmoa jarriko du martxan Bilboko Udalak. Hari esker, euskarazko hamasei film proiektatuko dituzte Bilbo inguruko Lehen eta Bigarren Hezkuntzako hainbat ikastetxeetako haurrentzat.
Zineuskadi elkarteak, EiTBrekin elkarlanean, Zinegabonak izeneko haurrentzako filmen zikloa eskainiko du abenduaren 26tik 31ra aurten laugarrenez. Lehen zatia EiTBren Bilboko egoitzan egingo dute, eta bigarrena, Euskal Herriko lau hiri eta herritan. Haurrek animaziozko eta abenturazko 11 filmez gozatzeko aukera izango dute euro baten truke.
Albert Zineuskadiren Zinema Euskaraz programaren bidez, Karsten Kiilerich zinegile daniarraren Albert animaziozko filma euskaraz estreinatuko dute Donostia, Bilbo, Portugalete eta Gasteizko zinemetan. Lanak Albert mutiko traketsaren eta lagun Egonen abenturak kontatuko ditu, herriko Leopoldusen monumentua lurrera bota ostean, benetako globo-kapitain baten bila abiatuko baitira. Etxeko txikienentzako proposamen ederra. https://youtu.be/6-6RK2NUS_M The Nice Guys Shane Black zinegile estatubatuarrak 70eko hamarkadako Los Angelesen girotutako filma dakar, Ryan Gosling
Zineuskadiren Zinema Euskaraz programaren baitan, Albert (Karsten Killerich, 2015) filmaren estreinaldia euskaraz egingo dute Hego Euskal Herriko hainbat zinema aretotan, hala nola, Bilbo, Gasteiz, Portugalete eta Donostiako zinemetan. Ostiral honetan, ekainak 10, izango da.
Iragan martxoaren 31n bildu zen Zineuskadi elkartearen balorazio-batzordea, eta uztailera bitarte zazpi film euskarara itzultzeko erabakia hartu zuen. Australia, AEB, Polonia, Alemania, Suedia, Danimarka, Frantzia eta Espainiako ekoizpenak dira.
