“Urteko onenen” zerrenden garaian gauden honetan, gure edukien azterketa egitea erabaki dugu, atariko irakurriena zer izan den eta euskarazko zinemari dagokionean, 2016ko mugarriak zeintzuk izan diren ezagutzeko. Zer edo zer kanpoan geratuko zitzaigun, ziur, Top 10a osatu baitugu (ordenari erreparatu gabe). Baina hauxe da gure aukeraketa. Gozatu errepasoaz!
Egun bat gehiago izango du aurtengo jaialdiak: 8 egunez, azaroaren 22tik 29ra, urteko euskal ekoizpenak proiektatuko dira Lekeition; eta lehiaketaz gain, emanaldi bereziak, mahai inguruak eta bestelako topaketak antolatu dituzte.
Azaroaren 13tik 20ra egingo dute Zinebi Bilboko Dokumentalen eta Film Laburren Nazioarteko 57. Zinemaldia. 65 filmek hartuko dute parte Sail Ofizialean, eta horietatik zazpi euskal zinegileek egindakoak izango dira. Aurtengoan, hiru Ohorezko Mikeldi sari banatuko dituzte: Juan Ruiz Anchía zine argazkilari bilbotarrari, maiatzean desagertu zen Aitor Mazo antzezleari eta Aki Kaurismäki zinegile finlandiarrari.
Aitor Mazoren antzerki, zinema eta telebistako lagunek, Tartean Antzerki Konpainiaren ekimenez, agur berezia egingo diote ostegunean, maiatzak 14, Bilboko Arriaga Antzokian 22:00etatik aurrera. Mazo joan zen ostegunean zendu zen bihotzeko baten ondorioz.
Orain bi aste Bilboko Loraldia jaialdian Anton Abbadie esploratzaile, geografo, astronomo eta euskal kulturaren sustatzailearen azalean ikusi ahal izan genuen Mazo. Antzerkia, zinema, telebista… euskal aktore emankorrenetakoa gaur bertan hil da Bilbon, bihotzeko baten ondorioz.
