Munduko txoko ezberdinetako zazpi ekoizpenek osatuko dute Donostia Zinemaldiko Culinary Zinema sailaren zortzigarren edizioko menua. Tartean izango da, besteak beste, Ander Iriarte eta Aitor Bereziartuaren Bihar dok 13 euskal lan dokumentala.
Ander Iriarte eta Aitor Bereziartuak Mirokutana ekoiztetxea sortu zuten orain urte eta erdi inguru. Haien lehen proiektua Lisbeth laburra izan zen, eta uneotan Bihar Dok Amairu dokumentalean ari dira buru-belarri. Gaur, Ez Dok Amairu eta La nueva cocina vasca mugimenduen urteurrenak batu dituzte artea, musika eta sukaldaritzari buruzko sormen proiektua osatzeko. Haiekin izan gara Oiartzunen duten bulegoan.
Basque Culinary Centerreko (BBC) bost ikasle izango dira Ander Iriartek eta Aitor Bereziartuak zuzendutako Bihar Dok Amairu proiektuko protagonistak, eta Euskal Herriko hainbat tokitan filmatuko dute. Mirokutana ekoiztetxearekin batera, REC Grabaketa Estudioak, ETBk, Gipuzkoako Aldundiak, Basque Tourrek eta Irizar Fundazioak parte hartuko dute ekoizpenean.
Mirokutana ekoizpen etxe oiartzuarrak ofizialki ekoizten duen lehen lana da Aitor Bereziartuaren Lisbeth. Abenduan abiatu zuten errodajea, eta urtarrilaren 15ean amaituko dute. Aranzadirekin batera elkarlanean sortutako proiektua da, Olatz Retegi Recalde antropologoaren laguntzarekin, eta Eusko Jaurlaritzaren laguntza eskuratu zuen iaz.
