Ekaina hastearekin batera, film laburren ziklo berezia egiten ari dira, Getxon. Asteazkenero, Bizkaiko jaialdi nagusienetan lehiatu diren lanen erakusketa egiten jardun dute Arrigunaga aretoan (Muxikebarri). Hilaren 15ean, Lekeitioko Euskal Zine Bilerako film labur onenekin emango diote bukaera egitasmoari.
Urriaren 6tik 12ra bitartean, larunbatetik ostiralera alegia, ospatuko da Euskal Zine Bileraren 41.edizioa, euskara hutsean egiten den Hego Euskal Herriko zinema jaialdi bakarra. Orain arteko edizio indartsuenetarikoa iragarri dute, eta ikus-entzunezkoen arlo ezberdinak lantzen dituzten profesionalak izango dira protagonista nagusiak.
Iragan abenduaren 3an Euskarazko zinema sorkuntza eta kontsumoa izan genituen aztergai Durangoko Azokaren testuinguruan, Irudienean antolatu genuen mahai-inguruan. Saio atsegin eta interesgarria izan genuen Eneko Sargadoy aktorearen, Amaia Garcia kultur-kazetariaren, Aitor Abaroa zinema adituaren eta Maria Elorza zinegilearen eskutik, eta dozenaka ideia aztertu zituzten euskal zinemagintzan, era batera ala bestera, diharduten lau gazteek. “Sormena askatasuna da”. “Gizakiak bere barruan duen zerbait da”. “Behar bat da”.
Ostiralean, abenduak 2, abiatuko dute Durangoko Azokaren 51. edizioa, eta urteroko zita garrantzitsuan parte hartzeko eta euskal zinearen alorrean gure hondar alea jartzeko, Euskarazko zinemaren sorkuntza eta kontsumoa mahai-ingurua antolatuko dugu larunbatean, abenduak 3, 15:00etatik 16:30era Irudienea gunean.
