Abuztuaren 1ean, 2an eta 3an film bana pantailaratuko dute Hernanin kokatutako museoaren lorategian. Saioak 22:00etan hasiko dituzte, eta emanaldi guztiak jatorrizko bertsioan izango dira, gaztelaniazko azpitutuluekin.
Aire libreko zinema proiekzioak, Durangon. Zugaza Zinemarekin elkarlanean antolatuta, uztailaren 27an Tabira auzoan ikusgai jarriko dute ¡Vaya vacaciones! (Víctor García León, 2023) komedia espainiarra. Manuelak eta Josek asko maite dituzte seme-alabak eta, batez ere, bilobak idolatratzen dituzte. Baina lehenengoek haurrak aitona-amonen zaintzapean uzteko ohitura hartu dute, eta aitona-amonak ez dira gai azkenekoz bere buruarentzat hartu zuten tartea noiz izan zen gogoratzeko. https://youtu.be/eqj6BxWKgUI?si=MQfKCK6EevR30sB0
Uztailaren 27an eta 30ean ¡Vaya vacaciones! (Víctor García León, 2023) eta Dragonkeeper (Salvador Simó Busom eta Jianping Li, 2024) filmak pantailaratuko dituzte, hurrenez hurren. Saioak 22:00etan izango dira, Tabira auzoan eta Otamontzena parkean.
Andre Maria Zuriaren jaiak bukatu ostean, aire libreko zinema saioei berrekingo diote hirian. Udako kultur egitarauaren baitan, ostiralero film bana pantailaratuko dute Gasteizko parkeetan. Uztailean gertatu bezala, emanaldietarako sarrerak doan izango dira, edukiera bete arte.
Bizan sarearen bidez, Udako Gauak programa eskainiko dute Gasteizen uztailetik irailera. Hilaren 13an egin zuten jazz-kontzertuaren ostean, datozen bi emanaldietan zinema izango da protagonista: uztailaren 23an, ostirala, Abuelos (Santiago Requejo, 2019) komedia espainiarra proiektatuko dute Maurice Ravel lorategietan, eta irailaren 17an The Peanut Butter Falcon (Tyler Nilson eta Mike Schwartz, 2019) estatubatuarra izango da ikusgai Francisco de Vitoria BHIn.
Errenteriarrek zinemaz gozatzeko hitzordu bereziak izango dituzte abuztuko asteburuetan. Izan ere, gaur bertan hasiko dute herriko hainbat txokotan eskainiko dituen filmen zikloa. Playmobil: The Movie (Lino DiSalvo, 2019) lana proiektatuko dute Koldo Mitxelenako patioan, 22:00etan, eta sarrera doakoa izango da. Abuztuaren 29ra bitartean sei saio finkatu ditu Errenteriako Udalak, guztiak ere, aire librean.
Bizilagunek udan aisialdiaz eta kulturaz goza dezaten, Sopelako Udalak hainbat jarduera antolatu ditu Sopela Uda Kalean egitarauaren barruan. Musika emanaldiek, dantza ikuskizunek edota bakarrizketek girotuko dituzte herri bizkaitarreko arratsalde eta iluntzeak, baina aire libreko zinema saioak ere egingo dituzte. Proiekzioak 22:00etan izango dira, larunbatero, Ugitxieta plazan.
