Estibaliz Urresola Solaguren zuzendariaren 20.000 erle espezie (2023) lanak Iberoamerikako Aipamen Berezia jaso du Palm Springseko Nazioarteko Zinemaldiko epaimahaiaren eskutik. 2024ko otsailaren 10ean ospatzekoa den Goya sarien ekitaldian izango du loria eskuratu ahal izateko hurrengo hitzordua.
Irati Gorostidiren Contadores filmak Fikziozko Film Laburren atalean parte hartu du Guanajuato Film Fest jaialdian (San Miguel de Allende, Guanajuato, Mexiko). Apellaniz y de Sosa, Tractora eta Pirenaikak ekoitzitakoa, 70eko hamarkadako negoziazio sindikala kontatzen du, aktore ez-profesionalek osatutako castingaren bidez.
Arrakastaren bidean sendo jarraitzen du aurrera Cuerdas filmak, Estibaliz Urresola euskal zinemagilearen bosgarren lanak. Clermont-Ferrandeko Film Laburren Nazioarteko Jaialdiaren 45. ediziotik heldu zazikio azken berri onak, filmak Epaimahaiaren Aipamen Berezia jaso baitu Sail Ofizialeko Nazioarteko Lehiaren atalean.
Maria Elorzak eta Koldo Almandozek aurkeztutako Quebrantos film laburrak eskuratu du Epaimahaiaren Aipamen Berezia Seattleko Nazioarteko Zinema Jaialdian. “Filme zorrotza baina ludikoa, trebetasunez eraikitakoa, arku emozionala inoiz galdu gabe” izatea nabarmendu dute.
Portugal landatarreko nerabezaroaren erretratu sotil eta iradokitzailea egiteagatik, EM CASO DE FOGO / IN CASE OF FIRE film laburra izendatu du 67. edizioko Nest Film Students epaimahaiak Orona sariaren garaile. Halaber, Aipamen Berezia jaso du Thomas Woodrofferen FIEBRE AUSTRAL / AUSTRAL FEVER lanak.
