Artistaren Estatutuaren garapenean egindako aurrerapenak eta arte eszenikoetan duten eragina aztertu eta zalantzak argitzeko saioa egingo dute Gipuzkoako Dantzaguneak eta K bulegoak, datorren maiatzaren 25an. Donostian jarri dute hitzordua, 11:00etan Santa Teresa komentuan, eta bertaratzeko beharrezkoa da izen-ematea.
Lege-esparrua eta jabetza intelektualeko eskubideak kudeatzeko aukerak ezagutu nahi dituzten musikari, arte eszenikoen eta ikus-entzunezkoen profesionalei zuzenduriko ‘JABETZA INTELEKTUALA: ARTE ESZENIKOETARAKO ETA IKUS-ENTZUNEZKOETARAKO MUSIKA’ izeneko ikastaroa antolatu du (H)emen Elkarteak, Ainara LeGardon musikariaren gidaritzapean. Urriaren 6an, Donostiako Egia auzoko Teila Fabrikan egingo dute.
Donostiako Tabakalera Kultura Garaikidearen Nazioarteko Zentroan dagoen 2DEO euskarazko ikus-entzunezkoen laborategiak Jabetza intelektuala ikus-entzunezkoetan saioaren bigarren zatia eskainiko du azaroaren 17an, asteartea, 16:00etatik 20:00etara. Ainara LeGardon artista eta musikariak gidatuko du ekitaldia.
