Irati Gorostidik Contadores film laburra aurkeztuko du 62. Semaine de la Critique sail paraleloan. Marché du Film azokan, bestalde, bost euskal proiektu erakutsiko dituzte, eta Basque. Audiovisual. ekimenak stand propioa izango du. Horrez gain, ‘Basque Country – The Land of the Fantastic’ hitzaldia eskainiko dute euskal zinemagintzako hainbat profesionalek.
62. Semaine de la Critique sailean erakutsiko du zinemagileak Contadores film laburra, Kimuak 2022 hautaketaren parte den proiektua. 76. Cannesko Zinema Jaialdiaren baitan ospatuko duten frantziar zinemaldiko sail paraleloan lehiatuko da, maiatzaren 17tik 25era.
Sortzaile beterano karrantzarrak Michel Gaztambiderekin batera idatzi du Cerrar los ojos bere laugarren film luzearen gidoia, eta Jose Coronado, Ana Torrent, María León zein Petra Martínez ditu aktore. Cannes Premiere sailean erakutsiko dute, jaialdi frantziarreko 76. edizioaren baitan.
