2021eko Euskal Herriko kultura-jardueren artean lehena izendatu du Contemporánea fundazioaren Kulturaren Behatokiak Donostiako Zinemaldia. 358 lagunek parte hartu dute galdeketan, eta argitaratutako zerrendan agertzen den zinema ekitaldi bakarra da, gure lurraldean.
Javier Corcuera zinemagileak La Polla Records talde mitikoaren azken bira jasotzen duen dokumentala zuzendu du. No somos nada 2022ko urtarrilaren 28an iritsiko da Hego Euskal Herriko zinema aretoetara.
Urtero legez, Donostia Zinemaldiak jaialdiari buruzko memoria, genero-identifikazio eta ingurumen txostenak argitaratu ditu. 96.867 ikusle jaso ditu 69. edizioak, iaz baino % 46,2 gehiago, baina 2019an baino % 45,8 gutxiago. Akreditatuei dagokienez, 3.680 izan dira, iaz baino % 40 gehiago, baina 2019an baino % 15 gutxiago.
80ko hamarkadaren hasieran desagerrarazi zuten Komando Autonomo Antikapitalistetako kide izan zen Naparra, eta hura azkenengoz ikusi zutenetik 40 urte pasa direnean ikusiko du argia Bolante baten historia dokumentalak. Azaroaren 19an estreinatuko dute Euskal Herriko zinema aretoetan, eta aurretik, ZINEBI – Bilboko Dokumentalen eta Film Laburren Nazioarteko Jaialdian lehiatuko da, 63. edizioko Bertoko Begiradak sailean.
GEHITU Euskal Herriko Gai, Lesbiana, Transexual, Bisexual eta Intersexualen Elkarteak Donostia Zinemaldiko filmen artean banatzen duen Sebastiane saria Jane Campion sortzailearen The Power of the Dog lanarentzat izan da aurtengoan. Kolektiboaren errealitateak, askatasunak eta gizarte-aurrerapausoak hoberen islatzen dituen filma nabarmentzen du golardoak.
Donostia Zinemaldia eta (H)emen elkarteak genero-berdintasunarekin lotutako auzien inguruan eztabaidatzeko jardunaldia egin zuten atzo, irailak 24, 69. Donostia Zinemaldiaren programazioaren baitan. Bertan, emakumeek zuzendutako filmen parte-hartzea zaindu eta areagotzeko konpromisoa hartu du jaialdiak, baita genero-identifikazio txostena indartu eta kategoria berriak bilatzekoa ere. Eta horrez gain, ohorezko sariei lotuta, kode etiko bat eztabaidatuko dute datozen hiletan.
Zuzendaria: Maru Solores Urtea: 2021 Herrialdea: Euskal Herria Saila: ZINEMIRA Zinemaldiko Zinemira saila itxiko du Maru Solores donostiarraren Aztarnak proposamenak. Haurtzaroko esperientziek, eta horien aurretik, amaren sabelean, erditzean, lehen aste eta hilabeteetan… sentitutako maitasun eta arretak, beragan utzitako arrastoaren bila abiatu da sortzailea. Bidaia pertsonal horretan, noizbait izan zen haurrarengana hurbiltzeko ahalegina egin du, bere amatasunari zentzua ematen lagunduko dioten erantzunen bila. Eta guraso izateko
X. San Sebastian – Gipuzkoa Film Commission sariaren epaimahaiak gaur, irailak 24, eman du aditzera ebazpena: Igor Legarretaren Ilargi guztiak proposamenak eskuratu du errodatua izan den lekuetako balore urbanistiko, natural, kultural eta sozialak hoberen islatzen dituen filmarentzako aitortza. 10.000 euroko sariaren zati bat, 7.000 euro, ekoiztetxeak jaso du, eta gainerako 3.000 euroak film batzorde laguntzailearentzat izango dira, kasu honetan, San Sebastian Film Commissionentzat eta Bilbao
Donostiako Kursaal auditorioan egin berri duten amaiera ekitaldian banatu dituzte 69. Donostia Zinemaldiko sariak, eta Crai nou / Blue Moon izan da garaile nagusia, Urrezko Maskorra eskuratuta. Zuzendari Onenaren Zilarrezko Maskorra, aldiz, Tea Lindeburgek jaso du, eta aurten aurrenekoz banatu duten Interpretazio Onenaren Zilarrezko Maskorra EX-AEQUO banatu diete Jessica Chastain eta Flora Ofelia aktoreei.
3D animatzaileei eta estudioei beren lana erraztu eta sinplifikatzeko adimen artifizialeko balibaideak eskaintzen dizkien Kinetix proiektuak lortu du Donostia Zinemaldiko aurtengo Startup Challenge garaikurra. Bost finalisten artean nabarmendu da, eta 10.000 euro, Euskadiko Teknologia Parkeen Sareko BIC bateko inkubaziogune batean urtebetez dohan aritzea eta 500.0000 eurora arteko finantzaketa eskuratu ditu.
