EOS Euskadiko Orkestra Sinfonikoak, Donostia Zinemaldiarekin bat eginik, hainbat filmetako soinu bandak eskainiko ditu irailaren 20an Miramongo egoitza nagusian emango duen Zinemarako Musika kontzertuan. Tartean, Frio sol de invierno (Pablo Malo, 2004), Alatriste (Agustín Díaz Yanes, 2006) eta Los crímenes de Oxford (Alex de la Iglesia, 2008) filmetako soinu bandak izango dira entzungai.
http://youtu.be/Ys-mbHXyWX4 Munduko 553 kidek ebazten duten urteko film onenaren FIPRESCI saria Richard Linklaterren Boyhood lanak eskuratu du aurtengoan. Irailaren 19an Donostiako Zinemaldian eskainiko dute 12 urte luzatu den proiektua.
Epaimahaietako kideak, Donostiara etorriko diren ospetsuen izenak, sarreren salmenta datak, eta 62. Zinemaldiaren inguruko beste hainbat datu ezagutarazi dituzte gaur Jose Luis Rebordinos Zinemaldiko zuzendariak, eta Maialen Beloki eta Joxean Fernandez Zuzendaritza Batzordeko kideek Maria Cristina Hotelean egin duten aurkezpen ekitaldian.
http://vimeo.com/103236859 Bartzelonako Film Factory Entertainment enpresak Jon Garaño eta Jose Mari Goenaga zuzendarien Loreak filmaren salmenta eskubideak erosi ditu. Lana 62. Donostiako Zinemaldian estreinatuko dute, Sail Ofizialean. Film Factory Entertainment ikus-entzunezkoen salmenta enpresako buru Vicente Canalesek adierazi du aste honetan abiatuko den Torontoko zinemaldian erosleentzat proiektatuko duten Loreak filmaren nazioarteko salmenta eskubideak bereganatu dituztela. Irusoin eta Moriarti ekoizpen etxeen lan berria, gainera, Argentina, Bulgaria, Danimarka,
Euskal Herrian ekoitzitako sei film izango dira ikusgai Donostiako Zinemaldiaren 62. edizioko Zinemira sailean. Seirak dokumentalak izango dira, horietako bi munduko estreinaldiak; baina euskal zinemak tarte zabalagoa izango du Alex Angulo, Javier Ibarretxe eta Nestor Basterretxeari eskainitako jaialdian.
Urteko produkzio frantses desiratuenak itxiko du 62. Donostiako Zinemaldia irailaren 27ko galan. Intouchables (2011) gogoangarriaren zuzendarien lan berria da, Samba.
Donostiako Zinemaldiaren baitan nazioarteko nahiz bertako profesionalen artean sareak eratzeko asmoz sortu zen The Industry Club. Iazkoan, 54 herrialdetako 1.292 profesional etorri ziren Donostiara, eta aurten ere egitarau oparoa prestatu dute haientzako.
http://youtu.be/8bv0LuP8MP0 Irailaren 22an, 23an eta 24an, Europa-Latinoamerika III. Koprodukzio Foroarekin batera, 26. Zinema Eraikitzen ekimena gauzatuko dute Donostiako Zinemaldian. Argentina, Brasil, Guatemala, Peru eta Txileko sei ekoizpen barneratuko ditu zikloak.
http://youtu.be/UwSX2SlHpEg 62. Donostiako Zinemaldian 2. Sebastiane Latino saria emango dute. Sexu eta genero aniztasuna hoberen irudikatzen duen eta iaz estreinatu zen Hego Amerikako film onena sarituko du golardoak.
http://youtu.be/2Eh6teetxJ8 Urte osoan zehar nazioarteko jaialdietan sarituak izan diren hainbat film eta maila handiko zuzendarien lan berriak bilduko ditu beste behin ere 62. Donostiako Zinemaldiko Perlak sailak. Filmok publikoaren saria jasotzeko hautagaiak izango dira.
