Donostia Zinemaldiak 2024ko irailaren 20tik 28ra bitartean ospaturiko 72. edizioaren memoria zabaldu berri du. Bertan jasotako datuen arabera, 172.000 ikusle baino gehiago izan dira eta, 5.300 akreditatu baino gehiagorekin, bere marka hautsi du beste behin ere.
Maila zinematografiko “itzela” eta Euskaldunako aretoa “lepo”, nazioarteko zein etxeko protagonista andana bildu zituen ekitaldi hunkigarriarekin eman zioten hasiera iragan ostiralean BBK Mendi Film Bilbao Bizkaia zinemaldiaren 17. edizioari. Abenduaren 15era bitartean luzatuko da.
Jose Ramon Soroiz, Nagore Aranburu eta Kandido Uranga izango dira Maspalomas izeneko proiektu berriaren protagonistak. Vicente gizon nagusi homosexualaren istorioa kontatzen du, adinekoen egoitza batean sartu eta bere izaera ezkutatzea erabakitzen duenean.
Zuzendaria: Sandra Romero Urtea: 2024 Herrialdea: Espainia Malagako Nazioarteko Zinemaldiko Zuzendari Onenaren Zilarrezko Biznagaren irabazle bilakatu zuen Por donde pasa el silencio (2020) fikziozko laburra izan du abiapuntu Sandra Romero (Ecija, 1993) zinemagile andaluziarrak, lehen film luzea izan duen lan homonimoan: familia inperfektu batek eragindako zauriak eta itzulera ahalegin ezinezko bat. Antoniok 32 urte ditu eta, gazte zela Madril aldera ihes egin ostean, Ecijara itzuliko
EITBk bi film estreinatuta ospatuko du aurten Euskararen Nazioarteko Eguna. Alde batetik, Josu Martinezen Bizkarsoro (2023) izango da ikusgai ETB1en -21:45ean-, eta, bestetik, Tasio (1984) emango dute ETB2-ko ‘La Noche de…’ saioaren baitan -22:20an-. Biak ala biak PRIMERAN plataformara gehituko dituzte ere.
Dantzaren, zinemaren, teknologia berrien, gorputzaren eta makinaren arteko harremanak arakatzen dituen Zinetika Jaialdiaren 9. edizioko lehen emanaldiak hartu ditu Iruñeak asteburuan, azaroaren 30etik abenduaren 1era bitartean. Honen ostean, abenduaren 7an, Bilboko Guggenheim Museoan izango da, eta abenduaren 15ean eta 16an, Donostiako Gazteszenan eta Trueba zinemetan.
Zinemagile bilbotarrak Txani Rodríguezen liburu homonimoaren egokitzapena den Azken Erromantikoak (2024) filmaren sortze-prozesua izango du hizpide. Saioa azaroaren 30an egingo dute, 19:00etatik aurrera, Donostiako Tabakaleran.
Hiru emanaldirekin itxiko du jarduna Kresala zinema-talde donostiarrak: Faces (John Cassavetes, 1968), Sex (Dag Johan Haugerud, 2024) eta A hora da Estrela (Suzanna Amaral, 1985). Ohi bezala, ZINEAn sarrera bikoitzak zozkatuko ditugu.
Abenduaren 6tik 15era ospatuko da BBK Mendi Film Bilbao Bizkaia jaialdia, inoizko oparoena, 49 filmen emanaldiak hartuko dituena. Horien artean, 11 dira Euskal Herrian ekoiztu edo zuzendari euskaldunak dituztenak.
Felipe Ravina, José Hernández eta Mirna A. Piñeiro sortzaile tenerifetarren Nika, el calderón tropical dokumentala gailendu da CIMASUB – Donostiako Itsaspeko Zinemaren Nazioarteko Jaialdiaren 48. Edizioan, Urrezko Baranda eta Real Sociedad Fundazioaren Dokumental Onenaren Saria eskuratuta. Azaroaren 21etik 23ra bitartean ospatu berri dute hitzordua.
