Martxan da Asier Errasti Eibarko Film Laburren 25. Jaialdia. Eibarko Udalak eta Plano Corto elkarteak antolatuta, gaur abiatuko dute Asier Errasti Eibarko Film Laburren Jaialdiaren 25. edizioa. 170 lan inguru aurkeztu dira deialdira, eta hautaketa-batzordeak 60 aukeratu ditu hilaren 9ra bitartean. Saioak herriko Coliseo Antzokian egingo dituzte, 20:00etan, eta egunero, 10-12 lan egongo dira ikusgai. Sarrera doan da.
Proiektatuko dituzten filmen artean hainbat ekoizpen euskal herritar daude. Besteak beste, Betiko gaua (Eneko Sagardoy), Europa (Ekain Irigoien), El aprendiz (Raul de Campos Martin), Egun ona (Aritz Elguezabal Totorikaguena), Hotz (Lander Castro), Dena asmatuta dago (Jone Arriola Lobete), Plazer bat (Sonia Estevez).
Eari-banaketa ekitaldia eta itxiera-gala azaroaren 9an egingo dute, Coliseo Antzokian, 19:30ean.
